2020_08_03-Galayos. Punta Maria Luisa. Rivas Acuña (160m/V)

Azken eguna, bueltako eguna, baia joan baino lehen goizetik esnatu giñen ta bertako azken klasikora sartu giñen, Rivas-Acuña bidea Punta Maria Luisara, bide ederra, hormaren erraztasunak modu ikaragarrian igarotzen dituenak. Oso arroka ona ta eskalada bertikala eta gozagarria.

FITXA TEKNIKOA:

• Zailtasuna: 160m/V 
• Denbora: 5 min hurbilketa kanal handitik Maria Luisa ta Aguja negra arteko bidetik.
• Materiala: 60 metrotako bi soka, Friends joko bat (0.3-3 artean) eta fisurero joko bat. 
• Jeitsiera: Tontorretik bi rapeletan mendebalderantza

Hokus Pokus blogetik hartutako topoa, primeran etorri zitzaigun.

ERREPORTAIA:

Aguja Negra eta bere mendebaldeko hormatik doan Oeste Klasikoa, goizeko lehen argiekaz.

L1 (IV/50m) tirada oso ederra, pare bat bonbito igarotzen dituena, luze guztia desekipatuta dago, baia oso bide ebidenteea duena,  bilgunera heltzeko, pare bat erastunekin.

Bilgunera heltzen, gure atzetik beste kordada bat sartu zen, oso majoak.

L2 (V/45m) tirada oso ederra, hasieran orratzetik salto bat eman behar dugu hormara heltzeko, eta pitzadura ugari dituen horma bat eskalatzen goaz terraza txiki batera heltzeko, beheko bilgunetik ikusten ez den tximini batetik bilgunera heltzeko, erastunekin baita.

Mikel tximinia ostondutik gora.

L3 (V/40m) Espoloitik aldatu behar gara, ezkerraldera, iltze batzuk topatzen ditugu diedro eder batetik gora bilgunera heltzeko, oso luze polita.

L4 (V/25m) tirada laburragoa, eskumaldetik iltze bat txapatzen da ondoren tximinia ostondu batetik gora joateko orratzeko bilgunera, eranstun asko triangulatuta, bertatik beste alderantza rapelatzeko.

Mikel Punta Maria Luisako orratzera heltzen, goizetik eta gerizpetan, abuztua izan arren plumasa ondo etorri zitzaigun.

Beste alderantza rapelatzen da, bilgune ekipatu batera heldu arte, kontuz sokekin, bertatik beste 60 metrotako rapel batean zorura heltzeko, badago aukera tarteko rapel bat gehiago iteko baia bi rapeletan ondo heltzen da zonalde errazera.

Goizeko lehen argiak Victory aterpearen gainean, bertan genuen terrazatik gosaltzen, gure zaindari, Sarah dena zijoala ziurtatuz, milesker handik pasatako egun hauetan emandako gomendio eta momentuengaitik.

2020_08_02- Gran Galayo. Gran Diedro (V/100m)

Gure hirugarren egunean, nahiko lasai esnatu giñen ta Tonino Re orratzako GAME mitiko eta klasikoa eskalatu ondoren aterpera bueltatu giñen, bertako mendi gidari bat, arrastian gerizpetan eskalatu nahi bagenuen, ezin giñela etxera bueltatu bertako Gran Galayora igo gabe, bere gran diedrotik, bide erraza baia 60 metrotako diedro ikaragarri bat duena bere hego horman, luzea ikaragarri ona iruditu zitzaigun, distantziatik ikusita, ezin genuen sinetsi gradu hori bakarrik izan zitekeela, erraza izan arren oso gomendagarria iruditu zitzaigun gainera Galayotako "orratz" altuenera heltzen da

FITXA TEKNIKOA:

• Zailtasuna: 100m/V (azken luzea bestela IV)
• Denbora: 25 min hurbilketa kanal handitik Gran eta Pequeño Galayoen lepora heltzeko.
• Materiala: 60 metrotako bi soka, Friends joko bat (0.3-3 artean) eta fisurero joko bat. 
• Jeitsiera: Tontorretik II-III graduko destrepadatxoak egiten kanal handira heltzeko.

Utopia Verticaletik ateratako krokisa

ERREPORTAIA:

Mikel, lepora heldu barri, ezkerraldean La Mira ingurua.

Alboz ikusita, diedroa, luze bakar batean egiten da, 60m, erdikaldean bilgunea egiteko aukera dago, baia gomendagarria gorarte joatea.

Lehen tirada, IV+ eta 60 metro, ikaragarria, apur bat etzana, goikaldean bertikaltasuna irabazten du, iltzeren bat ta arroka zubiren bat dago, luze oso oso ona ta gozatzekoa.

Ikaragarrizko diedroa, nahi den guztia sartzeko aukera ematen duena.

Goikaldean, arrastiz diedro guztia gerizpetan aurkitzen da bere orientazioagaitik.

Mikel bigarren luzeari emateko, V-ko tirada eder bat, babaresa ikaragarri batekin, hiru aukera daude hemen, ederrena erdikoa dela esaten dute, sartu nahi den guztia sartu ahal zaio, bilgunea tontorrean montatzera.

Gran Galayoko tontorretik, Galayar ingurua.

Sarah, bere Galayo maiteekin. 

Galayos, ikaragarria.

2020_08_02-Galayos. Tonino Re. GAME (150m/V+)

Gure hirugarren egunean, nahiko lasai esnatu giñen ta Tonino Re orratzako GAME mitiko eta klasikoa eskalatu genuen, lau luzeetan banatuta dagoena, oso tirada txuloak ditu ta gerizpetan eskalatzeko aukera ematen digu bere orientazioari esker.

FITXA TEKNIKOA:

• Zailtasuna: 150m/V+
• Denbora: 5 min hurbilketa 
• Materiala: 60 metrotako bi soka, Friends joko bat (0.3-3 artean) eta fisurero joko bat. 
• Nola heldu: Refugio Victorytik Punta Maria Luisara doan kanaletik gora zuzenean kanalera bidean eskumatara gelditezen da.
• Jeitsiera: Tontorretik rapel labur bat (15m) eta ondore kanalerantza beste bat (30m) ingurukoa.

ERREPORTAIA:

Gure bost izarretako hoteleko suit-a

Lehen luzea oso tirada txuloa da (40m/IV+) bloke batzuk ebazten goaz ondoren ezkerretara tendentziarekin bilgunera heltzen gara. 

Bigarren luzea aurrekoaren tonika antzekoa dauka, pausu isolatuak ta babesteko aukera ugari (IV+/35m), bilgunea montatu gabe.

L3 (V/40m) irteera ederra ezekerretara tendentzia duena, oso ondo babesten dena, bilgunea egiteko espoloi atletiko baten azpian.

L4 (V/40m) luze onena, irteera atletiko bat pare bat iltzerekin ta ondoren plaka oso eder batean sartzen gara oso ondo babesten dena espoloi oso aereo batetik bilgunera heltzeko, katea bi boltekin, bertatik rapelatezko.

El Torreon, kordada bat bertako Underground-Malagon-eko azken luzean.

Bi rapel txikitan (20m eta 30m ingurukoak) kanalera bueltatzen gara, inguru nahiko apurtua ta arroka solte ugari duena.

Galayos

2020_08_01-Galayos. Pequeño Galayo. Diedro Jeronimo (120m/6a)

Goizean goizetik sartu giñan Aguja Negrako klasikora, ta jeisterakoan aterpean egon giñen eguzkitik babestu nahiean apur bat atseden hartzen ta gerizpea sartu bezain laster Galayo txikiari, bere diedro Jeronimo-ra sartu giñen, aurpegi honetan arrasti parte guztia gerizpetan dago ta hiru luzetan tontorrera modu oso politean heltzen gara.

FITXA TEKNIKOA:

• Zailtasuna: 120m/6a
• Denbora: 5 min hurbilketa 
• Materiala: 60 metrotako bi soka, Friends joko bat (0.3-3 artean) eta fisurero joko bat. 
• Nola heldu: Refugio Victorytik Punta Maria Luisara doan kanaletik gora zuzenean kanalera bidean eskumatara gelditezen da.
• Jeitsiera: Tontorretik hito batzuk jarraituz trabesia lateral batean, kanal handira bueltatzeko.

EWRREPORTAIA:

Lehen luzea oso tirada luzea da (40m/6a) bloke enpotratu batean dauka pausutxu bata eta apurka ezkerretara joateko tendentziarekin bilgunera heltzen gara. Bilgunea bi iltzeetan.

Madrilgo bikote bat lehen bilgunean, argazkia (Tonino Re-ko GAME-tik aterata)

Bigarren luzea (30m/6a) irteera bat dauka babaresa diedro batetik gora ondoren metroak irabazten joana ahala errezten dijoana, bilgunea iltze batean.

Azken luzea, bilgunetik ateratzeko pausu txiki bat dauka ondoren errezten doa ertzera heltzen garen heinean, bilgunea hitoen ondoan dagoen edozein pitzaduretan bertan zapatillak jartzeko ta hitoak jarraitzu jeitsierako bidea hartzeko.

Refugio Victory eguzkiko azken argiekin.

El TORREON eta bere Underground-Malagon

Bertako laguntxo bat

Tonino-Re punta, El Torreón, Punta Maria Luisa, Punta Margarita etab, hamaika orratz, hamaika bide.

Ilunabarra Galayosen

2020_08_01-Galayos. Aguja Negra. Oeste Clasica (300m/V+)

Gure bigarren egunean Galayos-en Aguja Negrako Oeste klasikoa egitera joan giñan, ingurko bide luzeena da ta politenetarikoa, bertako klasiko batean bihurtu da bere luzera ta arrokaren kalitateagatik, oso egokia da gainera goizetik sartu ezkero, tarte asko egongo gara gerizpetan.

FITXA TEKNIKOA:

• Zailtasuna: 300m/V+
• Denbora: 5 min hurbilketa 
• Materiala: 60 metrotako bi soka, Friends joko bat (0.3-3 artean) eta fisurero joko bat. 
• Nola heldu: Refugio Victorytik Punta Maria Luisara doan kanaletik gora zuzenean kanalera bidean eskumatara gelditezen da.
• Jeitsiera: Tontorretik hito batzuk jarraituz, soka finko labur bat destrepatu ta beste rapel bat egin behar dugu beste aldera (20m).

ERREPORTAIA:

Lehen luzea oso tirada luzea da (60m/IV+) bloke enpotratu batean hasten da eta apurka eskumatara joateko tendentziarekin bilgunera heltzen gara.

Aguja Negra de Galayos ederra

Lehen luzetik gora

Ondoren plaka fin bat dator, oso ederra ondo babesten dena ondoren bilgunera heltzeko.

Laugarren luzea ezkerretara joaten da korner batera heltzeko, hemendik esproi batetik pasatzen gara azken bi luzeak ebazteko.

Punta Maria Luisa eta bere RIVAS-ACUÑA famatutik gora kordada bat.

Azken bi tiradak, biak 60 metrotakoak eta IV/V inguruan mugitzen diren pausu isolatuekin oso ederrak dira, inguru honetan jada eguzkiak jotzen du.

Tontorretik hito batzuk jarraituz, korda fiko batera heltzen gara instalazio batekin ta hau jeitsi ta gero beste rapel instalazio batera heltzen gara, ondoren Galayar atzekaldetik jeisteko.

Aguja Negra, Punta Maria Luisa, Margarita, Capucino etab

Azken argiak Galayosen