2019_07_13-Atxarte. Hirugarren espoloia. Bordatzen + Irrintzi (6b/90m)

SARRERA:

Zapatu goiz arin bat aprobetxatzeko Astxikiko hirugarren espoloiko bi bide famatu ta gozagarri hauek lotuz.

FITXA TEKNIKOA:

• Zailtasuna: 6b Bordatzen; 6a+ Irrintzi.
• Bidea zabalduta: Bordatzen, P.Sanchez eta P. Rodriguez 1.982an. Irrintzi, P.Tubillera eta J.Colina 1.984an.
• Nola heldu bidearen basera: Atxarteko espoloietara doan bidea hartu ta lehen espoloia eskalatzen edo ezkerretik igotzen den bidezkatik espoloiaren azpian jarri arte, bertan eskumaldeko bidezkatik zuhaitzera helduz.
• Ekipamendua: 10mm-ko paraboltekin ekipatuta eta inox txapekin. Bilgune guztiak bi parabolten gainean montatuta.
• Materiala: 12 expres. 70 metrotako soka eta  bilguneetarako materiala.
• Jeitsiera: Goikaldeko ertzetik oinez ateratzen, rapel bat egiten jeitsiz edo bidezka jarraituz Astxikiko tontorrera helduz, bertatik Artolako lepotik jeisten.

Hokus pokus blogeko krokisa


Katuoinekin bloegtik hartutakoa

ERREPORTAIA:


L1 (30m/6b): Lehen luzea tako eta helduleku ugari ditu,  tarte batzuetan apur bat pulituta egon arren ondo pasatzen da,  goikaldean apur bat jeitsiz kontinuitatea.

Eros ta Thanatos bidetik Pablo Katuoinekin ateratako argazkia.

Lehen bilgunera heltzen,  zati honetan aire apur bat hartzeko aukera dago.

Urko ta Pablo, Eros ta Thanatoseko bigarren luzean.

L2 (55m/6a+): Irrintziko luzea oso ona da,  trabesia horizontal bategaz hasten da babaresa txiki batean sartzeko,  balda txiki bat dago goikaldeko azken tarte bertikal eta atletikoa baino lehen,  luze oso ona,  bost izarretakoa eta Atxarte inguruko onenetarikoa!

Mikel Irrintziko luzean gozatzen, argazkia, Eros ta Thanatos bidetik Pablo Katuoinekin ateratakoa.

Urko Eros ta Thanatoseko bigarren bilgunean, atzean Alluitz duelarik.

Dani, Irrintziko lehen metroetako itsasgarritasunarekin flipatzen.

Oso gomendagarriak diren bi bideak, hirugarren espoloiko konbinazio ederra, apur bat pulituta dago baia kantu asko dauka eta oso ondo txapatuta daude, asko gustatu zitzaizkigun.

Goiz ederra, ondoren Abadiñora merezitako garagardo batzuk edatera!
Hurrengoarte!!

2019_06_24-Atxarte. Lehen espoloia. Bazar Central, Directa al diedro eta Vueltona (120m/V+)

SARRERA:

Zapatuan Nafarroako bi lagun etorri zitzaizkidan bisitan, asteburua eskalatzen pasatzeko asmoagaz, zapatuan kirol eskalada egiten ibili giñan Atxarteko orientazioekin jolastu nahiean, ondoren Abadiñon kaña on batzukaz likidoak berreskuratzeko.

Hurrengo egunean goiz esnatu giñan, ta lehen espoloira hurbildu giñen, bertako Vueltona ez hain ezaguna eskalatzeko, aspaldi gomendatu zidatela, hain pulituta omen ez zegoela ta oso ona zela, hara joatera animatu giñan ta goiz eder bat pasa genuen, nafarren lehen bisita Atxartera ta bueltatzeko gogoekin dira jada.

FITXA TEKNIKOA:

BAZAR (IV) J.A.Cobo eta J.R. Madariaga zabaldua 1.984an.
DIRECTA AL DIEDRO (V)  J.M. Régil eta C.Garcia 1.961an zabaldua.
VUELTONA (V+) J. Alonso eta J.Bustillo 1.975an zabaldua

• Zailtasuna: V+/120m
• Nola heldu bidearen basera: Lehen espoloirako bidea hartzen, espoloiko ezkerreko zatian kokatuta dago, flowers-kike ingurutik 15 metro ezkerretara, lazotxo bat deko sarrerako diedroan,.
• Ekipamendua: 10mm-ko paraboltekin ekipatuta eta inox txapekin. Pitoiren bat eta kordinoren bat ere badago. 
• Materiala: 12 expres, friend ertainak/txikiak (C0.5tik 2ra) ondo etor daizteke. 60 bi metrotako soka eta  bilguneetarako materiala.
• Jeitsiera: Lehen espoloiko ohiko jeitsiera jarraituz, bigarren espoloira bidean, ondoren ezkerretara doan bidexka jarraituz, hitoak eta oso markatuta dago jeitsiera.

Espolon secretotik ateratako argazkia, bidean ibilbidea ikusten da.

ERREPORTAIA:

L1 (30m/IV), lehen luzea diedro pulitu batean hasten da, behekaldetik lehen iltzeko kordinoa ikusten da, ondoren zubi arrokekin ta friendekin goikaldeko zuhaizkara heltzen da, bilgunea bertan, nahi izan ezkero, Diedro Centraleko (V) luzearekin enpalmatu daiteke baia gu zuhaizkaren base erosoan bilgunea egin genuen, hurrengo tirada batean jarraitzeko diedroarekin ta horrela botatako soka metroak kenduz.

L2 (V), diedro centraleko luzea, nahiko irteera pulitua dauka, diedro-tximinia batetik, apur bat begetaziogaz, eskumatik iltze lerro bat doa, kimikoak erdialdean, ta boltak ezkerrean, apur bat nahi den lekutik joateko aukera dago, bilgunea, kimiko eta bi iltzeeetan, arroka trono karakteristiko batean.

L3 (V), La Vueltonako lehen luzea, tximinia batetik hasten da ondoren diedro eder batean sartzeko, oso ondo babestuta dagoena ta eskumatara trabesia egiten bilgunera heltzen da, nahi izan ezkero bigarren tiradarekin enpalmatu daiteke, baia izena ondo esaten duen bezala, buelta guztia ematen dio espoloiari, gomendiagarriago bi luzeetan ebaztea. Bilgunea bi boltetan.

Madari, La Vueltonako lehen luzean (V)

Untzilatx eta Urrestei

Atxarteko baserriak

La vueltonako lehen bilgunera heltzen, behetik kontatuta L3.

L4 (V+) irteera oso ona dauka, oso ondo txapatuta, lehengo iltzeren bat ere badago, irteera trabesian eskumatara dijoa, anbiente ta patio askorekin, hankan onak ditu ta arrakal diagonal eder bat, ondoren, espoloi txiki bat igaro behar da diedro apurtu eta errazago batetik bilgunera heltzeko, ona, polita ta gomendagarria luze hau, ez dago lehen espoloiko beste bideak bezain pulituak.

Bigarren ta hirugarren espoloiak.

L5 (III), trantsiziosko luze bat, ertzetik, pare bat boltekin babestuta, Nueva, Kike eta bertako bideetako bilguneetara heltzeko (15-20m)

Sokak batzen, azken luzeko ertzaren trabesia ikusten da.

Bide oso polita, arroka ederrarekin, batik bat, La Vueltonako azken bi luzeak, eta goiko trabesiarekin goiza pasatzeko modu ederra, aspaldian gomendatu ziguten ta beti albo batera uzten genuen, azkenean animatu gara, ta benetan asko gustatu zaigula.

Ideia hobeago bat egiteko bideo hau uzten dizuet.