2019_08_31-Chemin de la mature. Asterix (7a+/6b oblig/185m)

Bilboko jaiak pasa ta gero, juerga sasoi batez aparkatuta uzteko intentzioarekin etxetik ihes egin ta Pirinioko inguru honetara joan giñan, ezezaguna zena guretzako, askotan ibiliak giñen Valle de Aragon/Canfranc inguruan, baia Somportetik behera jeisterakoan inoiz ez giñan fijatu kare harriko franja horizontal honetan, krokisak ikusten, bere ekipazioa eta distantzia atentzioa deitu zigun ta pendiente genuen bisita egitera jeitsi giñen.

FITXA TEKNIKOA:

• Lehen igoera:   
• Nola heldu: Parkingetik oso eroso eta arin egiten da (15min) GR jarraituz.
• Zailtasuna: 7a+ (6b oblig) /185m, aukera deko Obelixera pasatzeko luze zaila ekiditzeko.
• Arroka mota: Kalitate oso ona duen kare harrria.
• Materiala:  Friend joko bat, fisureroak eta zinta luzeak hormatik atara ahal izateko.
• Jeitsiera: Rapelatzen bidetik, argollak.

ERREPORTAIA:

Chemin de la matureko kañoia goizeko lehen argiekaz, aproximazioa parkingetik oso eroso eta arin egiten da.

L1 (V+/45m) luze polita, hasiera arrakal ebidente batetik hasten da lehen bolt bat txapatzeko, ondoren arrakalak eta pitzadurak modu ederrean ebazten ditu bilgunera heltzeko, ekipamendu finko ugari, bilgunea sabaitxo baten azpian, erosoa. Luze ederra ta tirada luzea, gozatzekoa.

Lehen luzearen lehen metroak.

L1-eko bilgunetik

Ingurua eta fortifikazioa.

L2 (V+/30m) irteera erraza, ondoren babaresa ta arrakal bi igaroz bilgunera heltzeko, polita.

Bigarren luzea lehen bilgunetik ikusita.

L3 (6a+/45m) luze ederra, irteera desplometxo bat modu politean ebazten du, plaka tarte bat pasatzeko, ondoren bi arrakalekin bertikaltasuna hartzen doa, hankak fin mugitzekoa, itsasgarritasuna eskatzen duena ta plakan fino ibiltzea...

L4 (6a+/25m) desplome bat pasatzen du, ondo txapatua, ondoren inguru errezetik repisa antzeko batera heltzeko.

L5 (7a+/30m/6b oblig) hiru txapa fin ondoren sabai batera sartzeko, Mikelek eman zion, ta ez zuen atera, ni sartzera bez ez nintzen ausartu, aukera badago luze kutre bat egiteko eskumatara, Obelixeko azken luzeagaz enpalmatzeko (6b+) trantzisio luzea nahiko kutrea.

Rapelatzeko, bilgune guztiak ekipatuak argollekin ta boltekin.

Gauzak batu ta arrastirako iragarrita zegoen txingorra hasi baino lehen kotxerantza goaz,

Leku ederra, autoproteziorako ederra, beharrezko puntuetan ondo babestua elementu finkoekin ta edozein momentutan rapelatzen jeisten usten duena, bostgarren luzea ez bukatu izana pena, hurrengo bisitarako Obelix fitxatu genuen, itxura ona ere daukana.

2019_08_15-Midi d'Ossau. Surplombs (290m/6a)

Abuztuko zubia heldu zen ta kuadrilla ederra hurbildu giñen Midi Ossau ingurura, lagun guztiak lehen egunean Peygeret-Gran Pic ertzaren trabesia egitera joan ziren, geu ordea, Jean Pierreko bide arin, errez eta "intuitiboa" egin nahiean, Surplombsera joateko trastoak igo genituen, danak igo giñen Pombie inguruko vivac-etan lo iteko.

Bidea Midin eginda ditugun bideekin konparatuta, ez zitzaigun asko gustatu, buelta asko ta Z asko egiten duena, bide nahiko arraroa, ta rapel bidearen bilgunean ezker-eskuin pasatzen dituen luzeak, biraketa arraroak egiten, azken luzeak ez genituen egin, Jolly bidearekin elkarbanatzen dituenak, bertatik zuzen zorura jeisteko egoera onean giñelako. Hala ere, brujularekin ibili beharreko ibilbidea, kalitate handiko granitoan, bertikaltasun falta nabaritu nion ta trabesia ugari asko egiten dituena metroak irabazi ahala agertzen diren sabaiak ekiditzeko, hala ere egun polita pasa genuen.

FITXA TEKNIKOA:

·         Zailtasuna: 290m/6a (V+ oblig.)

·         Lehen igoera: 

·         Denbora: 1.5 ordu hurbilketa; 5 ordu eskalada;1h rapelatzea eta 1.5ordu kotxera.

·         Materiala: 60 metrotako bi soka, Friends joko bat (0.3-4 artean) eta fisurero joko bat. Zinta luzeak eramatea gomendagarria.

·         Nola heldu: Aneouko parkingetik Pombira heldu eta bertatik “Le grande Raillie” jarraituz, Pombiko horma azpitik doazen bideak jarraituz, “Sudeste Clasica”-ko hasieratik hasten da. Ondoren pitzadura ebidente batetik bidea usteko ezkerretarantza jarraituz.

·         Bibliografia: La Valle d´Osssau (Xavier Buxo eta Luis Alfonso) Gida oso gomendagarria.

ERREPORTAIA:

L1 (IV+/30m) Sudeste klasikatik hasten da, ondoren ezkerretara joateko, nahiko eskalonatua, bilgunea goikaldean repisan, hurrengo luzea destrepea eskatzen du.

L2 (V+/30m) bilgunetik ezkerretara pitzaduratutako plaka bertikal batean sartzeko, frien enpotratu bat dago, ondoren sabaiak ekiditu ezkerretarantza ostonduta aurkitzen den bilgunera joateko.

Pombieko aterpea.

Bigarren luzea gestionatzen, zinta luzeak erabiltzea gomendagarria.

L3 (V+/30m) Diedro batetik hasten da pitzadura oso on batean sartzeko, nahi den guztia sartzeko aukera ematen du, bilgunea RP1 rapelatzeko lehen bilgunean.

L4 (V/40m) bilgunetik zuzen ateratzen da, ondoren eskumatara trabesia diagonal bat marraztuz sabai markatu ta karakteristiko batean bilgunera heltzeko, hiru iltze.

L5 (V/30m) trabesian ezkerretara, plaka eta sabai txikiak salbatuz, ederra, bilgunea RP2an.

Peygueret ingurua.

R5era heltzen, luze ederra.

R5ean, selfie.

L6 (6a/40m) 4 metrotako pitzadura hasieran ondoren inguru malkartsu ta zig-zag ugarikoa.

L7 (6a/40m) laja txiki bat ta IV graduko ingurua goiko bilgunera heltzeko.

Rapelatzeko, onena Luichyren topoen indikazioa jarraitzea da.

Vivac gunera heldu, gauzak batu genituen, zerbait jan ta lainoa berriz sartzen zitzaigun heinean, siesta eder bat bota genuen lagunak heltzen ziren bitartean.

Hurrengoarte!

2018_01_16-17-Albarracin Boulder.

Urtarrileko baldintza txarretatik ihesi, eguraldi txarra, elur falta, Albarracinera bidea hartu genuen, bertako hotz eta klima lehorrean bere bloke ederrekin jolasteko, asteburu pasa horretako argazki batzuk.

Eskerrikasko, JONAN; MIKEL eta IBAN! Plazerra ;)

2019_08_10-Aspe. Anaya 275m/6b (6aoblig)

Abuztuko asteburua, Gasteizko jaiak eta gero Pirinio aldera joateko gogoekin, Mikelekin Aspeko hego hormari gogo asko genion eta bertara hurbildu giñen bariku arrastian, Aisako herriko parkingean lo itera.

Anaya bidea, Aspe mendiko ipar pilarrean, ikaragarrizko bidea da, berria izan arren (2012an zabaldua estilo oso garbian eta onean), asko errepikatzen ari dena, ondoan duen Subterranearekin batera azken urteetan eskalatzaile ugariren bisita jasotzen duen horma. Urteak pasata, seguruenik bailarako klasiko batean bilakatuko da, izan ere horretarako ezaugarri guztiak ditu, mendi paregabe baten tontorrera heltzen da, arroka oso ona orokorrean eta ekipazio justua baia beharrezkoa den lekuetan kriterio oso onarekin jarrita, hormaren eta arrokaren ezaugarriengaitik aseguratzeko aukera asko ematen duena, bertikaltasuna eta giro ezin hobea. Egun ederra pasa nuen Mikelekin batera.

FITXA TEKNIKOA:

• Lehen igoera:   Iker Madoz, Miguel Madoz eta Imanol Armendariz 2012an.
• Nola heldu: Aisatik Aspera doan bide normala hartuz, ondoren Riguelo bailara Aisako gargantara bidea hartuz, 2 ordu parkingetik.
• Zailtasuna: 6b eta 275m. (6a oblig) 
• Arroka mota: Kalitate oso ona duen kare harrria lehen luzea izan ezik, ondoren bigarren zatian harri marroi eder batera aldatzeko, bi franjetan banatuta dago horma.
• Ekipamendua: Friend joko bat, fisureroak eta zinta luzeak hormatik atara ahal izateko.
• Jeitsiera: Ertz guztia egiterakoan, tontorrera ateratzen gara, bertatik hitoak jarraituz, bide normaletik jeisten gara Aisara, 2h.

ERREPORTAIA:

Goiz esnatzen gara Aisako parkingean, aproximazioa lasai egiteko ta goizetik horman sartzeko.

Riguelo eta Aisako Gargantara bidean.

Aspe mendiko ipar pilarra, bere hiru bide aipagarrienekin.

L1 (40m/V+/6a), lehen luzea, arroka apurtutik doan kanal bertikal batean hasten da, pare bat bolt ta arroka zubiren bat goikaldean arroka hobetzen doa.

L2 (35m/6a) pare bat iltze txapatu ta gero, oso ebidentea den sabai baten azpitik pasatzen gara eskumatik, arrakal ona babesteko ondoren tximinia errez batetik bilgunera heltzeko.

L3 (45m/6b) Irteera ederra, ondo txapatua boltekin, nahiko gestuala, diedro ederra, ez da derrigorrezkoa ondoren goikaldean Picu Urrielluko kanalizo handietara gogoratzen gaituen plaka eder batzuetatik bilgunera heltzeko.

Kordada bat Subterranea bidean (300m/6b).

L4 (25m/III) trantsizio luzea erdiko birara eramaten gaituena, hemendik bigarren eskalada zatia hasteko, bilgunea zinta handi bat dago, Espolon de los navarros bidearen ondoan.

Selfie tarteko biran.

Mikel bostgarren luzea nondik hasi begiratzen.

L5 (45m/V+), tirada ederra, hasieran pitzaduretatik jolastea exigitzen duena, ondoren diedro markatu ta ebidenteegira joateko, bilgunea laja batean montatzera.

Totem power R5!

L6 (45m/6a/6a+) diedro ederretik hasi, pieza handiak oso eskatzen ditu, ondoren nabegatzea eskatzen duen inguru batetik diedroak eta repisak gestionatuz Subterranea bidearekin gurutzatuz, bilgunea elkarbanatzeko aukera, luze luzea eta oso ederra, fisikoa eta atletikoa, oso ona!

L7 (35m/V) bilgunetik diedro batetik hasi, zubi arroka batzuk jarraituz, diedroa gainditzen doa, ondoren inguru eskalonatu batetik azken bilgunera heltzeko.

Hemendik tontorrera 15 minutu oinez.

Aisako parkingera heltzen, Riguelo bailaratik, jeitsiera ederra baia luzea (2 ordu).

Bide ederra, inguru bakarti eta ez hain trantsitatuan, oso gomendagarria.

Hemen ASPETIK egindako beste batzuk:

• 2016_09_04-Murcielagos ertza Aspe (IV/D) (2.646m)

• 2016_02_20-ASPE IPAR-EKIALDEKO (N.E.) KORREDOREA (AD/400m/45º-55º)