2018_10-Iceland

Urria hasieran bi astetako bidaitxu bet egin genuen Islandiara beste bi lagunekaz, eguraldi oso ona euki genuen eta irla guztiari bira emateko aukera izan genuen, erlojuen norabiden kontrako bidea jarraituz, irla, parajeak eta bertako jendea ikaragarri gustatu zitzaigun, leku basatia eta naturarekin bat egiteko aukera ematen diguna.

Kaskadak, basoak, fiordoak, aurora borealak, animaliak, kostaldea, mendia, glazaiarrak, herrizkakak, hiriak, termak, hotza, haizea, beroa eta elurra, bi aste ikaragarri bi lagun berezirekin, honako kasuetan pasetan dan bezala, denbora oso arin pasa zan ta enterau orduko aeroportura bueltatzen ari giñan 2000km egin ondoren eta irribarre polit bategaz aurpegian.

Argazki batzuk uzten dizkizuet ideia bat egin ahal izateko.

Lehen argiek Reykavikeko portuan, bertan dacia duster bat alokatu genuen buelta eman ahal izateko irlari.

Gullfoss-eko kaskada, zero azpitiko tenperaturak eta haize asko inguru honetan.
Thingvellir, Geysir y Gullfoss

Gullfoss

Hjálparfoss

Haifoss, kaskada hau ikaragarri altua da eta lekua oso basatia, bertara bidaiatu ezkero galdu ezin denetako bat dela esango nuke.

Seljalandsfoss

Skógafoss-eko kaskada, bi tarte ditu eta eskumaldetik goikaldeko larretara igotzen da, egun honetan blai-blai bukatu genuen.

Vyk ingurua, bere Black Beach (hondartza beltz ikaragarriak, frantziako landak bezala baia hare beltzarekin)

Black beach, oinatsak harearen gainean.

Vyk-eko eliza

Sólheimasandur (guda hotzekoa da)

Fjaðrárgljúfur-eko larreak

Fjaðrárgljúfur-eko bailara eta errekatxoa

Tjaldsvæðið Kleifar

Hegaz =)

Skaftafell eta Hvannadalshnjúkur inguru glaziarra, ederra benetan.

Skaftafell eta Jokurlasson ere beste bisita bat merezi dute.

Seyðisfjörður, herri oso polita fiordoekin.

Mytvaneko mendi ingurua

Husavik-eko portua, baleak ikusteko leku oso gomendagarria.

Hemendik Akureyira joan giñan bertan zegoen lagun bategaz arrastia pasatzera ta bertan gaba pasatzeko, Islandiako bigarren hiri handiena (20000 biztanle), txikia baia oso inguru politan dago.

Keldur ingurua

Laugarbakkira bidean, crater polit bat daukagu errepidetik oso gertu, oso ondo zaindua eta polita.

Laugarbakki eta bere kostalde ingurua

Afaltzen  Snaefellsnes-eko herri batean.

 Snæfellsjökull, Snaefellsnes-eko peninsula eta bere faroa ikusi genuen.

La Hallgrímskirkja (Reykavikeko katedrala, torrera igotzea merezi du, hiri guztia ikusten bait da bertatik)

Reykavikeko kaleak

Bartzelonako aeroportuan K.O. Bilbora joateko hegaldia itxaroten.

Gutxi gora behera egindako bira, behekaldetik hasi giñan erlojuaren orratzaren kontrakoan.

National geographykeko linka islandiako argazki ederrenekin, ikusi ahal izateko bere edertasuna:

• LINKA HEMEN KLIKATUZ

2019_02_23-Larranotik Anbotora

Lasai lasai hainbeste gustatzen zaiguna egitera bueltatzen gara, pazientziagaz, eguraldi ona aprobetxatuz buelta polita Anbototik.

Relive 'Anboto'

       

Laster gehiago ;)

Jarraitzen dugu, apurka gauzak egiten.

2019_01_29-La Grave. La colére du ciel (II/3+/300m)

SARRERA:

Orain dela uda batzuk Alpeetara egin genuen lehen bidaian, Ecrinsetara, La Grave-Meije ezagutzeko aukera izan genuen eta bertako koloso ikaragarria dena saiatu giñan, eguraldiarekin zorte txarra eukinda, La Meijetik retirada egin behar izan genuen tontorretik nahiko gertu, ondoren eguraldi txarreko aste bat etorri zelarik eta Ecrinsetatik ihes egitera behartu zigutena Les Georges du Verdoneko norabidea hartuz.

Gure lehen izotz bidaian, bertako errezenak eta klasikoenak egiten hasi giñan, eta haien artean Le colere du Ciel egin gabeko zerrendan gelditu zitzaigun, kilometroengatik eta elur jausi arriskua zela eta, urteak pasa ahala bertan behera gelditzen zen, oraingoan baldintza onetan zegoela komentatu ziguten ta bertara hurbildu giñan, egunaz gozatzera.

Kaskada oso polita, nahiko tapatuta aurkitu genuen arren.lehen luzeetan arropa dezente busti zitzaigun, eskunarruak gehien bat ta bigarren eskunarru parea goikaldeko resaltetan guztiz busti zitzaizkugun, ur dezente jeisten bait zen, nahiko hotz pasa genuen aurreko egunekin konparatuta, Ecrinsetako derrigorrezko izotz kaskada, bere erraztasuna, bilgune ekipatuak/semiekipatuak eta aproximazioa, bere edertasunarekin batera klasiko batean bihurtzen dute.

La Grave leku ikaragarria da, oso ederra, hala ere astean zehar joatea gomendagarria da ze asteburuetan topetara egoten da, kaskada oso polta da, bertikala ta mantenitua, oso gomendagarria.

FITXA TEKNIKOA:

• Zailtasuna: II/3+
• Luzera: 300m
• Orientazioa: Iparraldekoa
• Kaskadaren hasiera kota: 1700 metro inguru
• Materiala: Zinta luzeak,12 torloju ta 60ko soka bikoitzak.
• Nola heldu: La Graveko
• Jeitsiera:Rapelatzen instalazio lerroa jarraituz
• Bibliografia: ALPINE ICE VOL.1 The best icefalls in the Alps Mario Sertori.Alpine Ice vol.1 France, Switzerland and Italy – Western Alps and Alpine Ice vol. 2 Austria, Slovenia and Italy – Eastern Alps.

ERREPORTAIA:

Lautaret portua igarotzen (2050m), La Graveko bidean, egunsenti ikaragarri bat La Meijeko mendilerroarekin, orain dela bi urte bertan behera utzi behar izan genuen tontorretik 100 metrotara.LINKA HEMEN

La Colere du Ciel Les Freauxeko herrizkatik ikusita, -15º tenperatura markatzen zuen autoak, aproximazioa bertan aurkitu genituen Leioako hirukote batekin egin genuen, plazerra koinziditu izana ;) La Croupe de la poufiasse kaskadara zijoazen.

Lehen erresalteak soka atera gabe egin genituen lehen resalte luzera heldu arte.

40 metro inguruko tirada erraza, elur dezente zeukan ta zaila egiten zen eskalatzea, bilgunea ezkerraldean dagoen zuhaitzeko instalazioan.

Luzea goikaldetik ikusita.

Beste tirada pare bat ensanblean egin ondore, kaskadak dituen bi zati zailenetako lehengora heldu giñan, resalte polita, nahiko bertikala tarte batzuetan baia oso ondo egiten zena, bilgunea, eskumaldean katea malloiarekin.

Aurreko kordada lehen luze zaila hasten, frantzesak ziren, oso jatorrak baia denbora asko behar izan zuten eskalatzeko ta hotz dezente pasa genuen, gainera eskumaldean Lyoneko bikote bat bilgunea egin zuen eta itxaroten ibili behar izan giñan.

Bigarren luze teknikoa, lehen tarte bertikala ondoren diagonalean joateko eskumaldeko zuhaitz handiaren bila, goikaldean, beste luze bat eskalatu omen daiteke, baia elurraz topera zegoen, sasoi lehorretan izotz kaskada txikiak resaltetxoekin formatzen dira, metro batzuk gehiago irabazteko.

Les Freauxeko herri txikia.Gatiburen Urepel abestian bezala:
♪♫♬♪♫♬ Beheko suek bistute leixoetan edurre ezkatzetan egurre hau zure negue.♪♫♬♪♫♬

Lau rapeletan, zati teknikotik at giñen, sokak batu eta zuhaitzen marrazki lerroa (8 zenbakia puntu gorriagaz jarraituz) behekaldeko zubira heldu giñen.

Eguna zero azpitik jarraitzen zituen baia paraje oso ederrak ikusten dira basoan.

La Grave ingurua ikaragarri basatia da.

Herrixkara heltzen, kaskada oso polita, nahiko tapatuta aurkitu genuen arren.lehen luzeetan arropa dezente busti zitzaigun, eskunarruak gehien bat ta bigarren eskunarru parea goikaldeko resaltetan guztiz busti zitzaizkugun, ur dezente jeisten bait zen, nahiko hotz pasa genuen aurreko egunekin konparatuta, Ecrinsetako derrigorrezko izotz kaskada, bere erraztasuna, bilgune ekipatuak/semiekipatuak eta aproximazioa, bere edertasunarekin batera klasiko batean bihurtzen dute.

Bestalde, orain dela bi uda bertatik egon giñeneko oroitzapen onak ekarri zizkidan ingurua.

Hemen webgunean ikusi dudan bideo eder bat ideia bat egin ahal izateko.


La Grave - La colere du ciel from Cannabouis on Vimeo.