2016_06_11-Frondiellako tontorrak Respomusoko aterpetik (3.060m)

SARRERA

Mikelekin gelditzen naiz Iruña ondoan dagoen autopista peajean, Zuastin, bertatik Tenako bailarara joateko, asteburu honetako plana, Frondiellatara igotzea, posible baldin bada Ursi bidetik (240m/6a) eta hurrengo egunean, Respomuso inguruan jarriko genuen denda kanpaina batu eta Balaitusera igo ondoren Diagonal haundia jaisteko La Sarrarte.

Asteburua aurrera joan zen heinean, beste batzuetan bezala, mendiaren baldintzak eta eguraldia zela eta, planak guztiz aldatu behar izan genituen, hala ere Frondiellatara igotzea lortu genuen bide normaletik eta Balaitus Latourreko bretxatik, orain dela bi negu bertatik intentau giñun ta espinatxo hori sartuta geneukan oraindik.

FITXA TEKNIKOA:

·         Ibilbidea: La Sarra-Respomuso-Frondiellaseko tontorra-Respomuso

·         Hurrengo egunean: Respomuso-Latour-Balaitus-Respomuso-La Sarra

·         Zailtasuna: Erraza

·         Desnibela: 1500m

ERREPORTAIA:

Ondo lo egin da gero, lasai gosaltzen dugu La Sarrako jatetxearen ondoan dagoen etxolan, eta motxilak ondo prestatzen ditugu, pisuak ondo banatuz eta ahalik eta arinen gorantza ateratzeko. Egun luzea daukagu aurretik eta arrastian zehar egin dezakeen beroak zer esan handia izan dezake gaurko abentura.

Igoera astuna Respomusoko aterperaino, luzea egiten dena eta lasaitasunez hartzea gomendagarria dena. Hemen ibilbide honen erreportaia_LINKA

Behin aterpera helduta, aterpeko zaindariei galdetzen diegu ea non molestatzen diegun gutxien eta denda jartzen dugu, zerbait jan eta Ursi bidea igotzeko trastoak prestatzen ditugu.

Paraje ederra daukagu gure kanpamendu basearen ondoan

Respomusoko aterpea eta bere atzean Frondielletako tontorrak

Lehen elurteetara heltzen gara, pisu asko daramagu gainean eta uste genuen baino elur gehiago dago.

Costilleru ingurua

Metroak irabazten jarraitzen dugu, ezkerraldean Bondidier ertza, oso interesgarria iruditu zitzaigun

Baina gu goazen tokirantza eguraldia ez dago oso ondo, laino asko eta haize hotza.

Facha eta Terrabay inguruan bestalde, zerua garbiago dago

Momentu batez lainoak zabaltzen du eta Ursiko linea zuzena ikusten uzten digu

DavidMalabista blogetik ateratako krokisa

Bidearen hasierara hurbiltzen gara eta sarrerako rimayaren egoera oso txarra da, eta lainoaren efektuagaitik arroka busti xamar dago eta horretaz aparte eguraldiak ez digu asko hormatik gora igotzera animatzen. Beste baterako uztea hoberena izango dela uste dugu eta Frondielletako leporantza bidea hartzen dugu, bertan zerbait jateko eta motxilak hortxe uzteko.

Hemetik gora falta zaiguna, Combe Wallonetik gora jarraitzea da, PD graduazioa duen kanal txiki batetik, inongo arazorik ez duena, igoera normala, zapaldua dagoena eta zailtasun bakarra desnibela gainditzea dela.

Apurka metroak igotzen, apur bat desmotibatuta, baina 3 hirumilako egiteko aukera badugu, batzuentzako eguneko erronka dena, gaur honekin konformatu beharko. Ursi bidea oso polita iruditzen zitzaigun, estilo alpinokoa eta arrokaren kalitatea ikaragarria dekona, bueltatuko garenaren dudarik ez dekot. Leoudemour kontrafuertetik gora igotzen da.

Mikel azken metroak egiten

Tontorrean, Pico de la Frondiella (3.060m)

Frondiella Central (3.049m)

Bueltan jarraituz gero, metro errez batzuk eginda, Frondiella Norte egiten da (3.043m)

Jeitsiera, leku berdinetik, jeitsierak ez dauka inongo zailtasunik.

Balaitus mendia, behekaldean Latourreko ertza ikusten da, eta bertatik tontorrera igo behar den azken malda.

Respomusorantza

Eguna aurrera joan ahala, hobera egin du. Biger ie eguraldi ona dekogun Balaitusera igotzeko.

Elur neberoak ahalik eta gehien luzatzen doguz kranpoiak ahalik eta beherago kentzeko

Kanpamendu basean

Afarie prestetan

Azken argiak (argazki hauek Mikelek ateratakoak dira)

Gran Facha (3.005m)

Gabon

2016_05_28_Erlaitz I (4b/80m) Muganixera eta Aiako harrien zeharkaldia

SARRERA:

Oiartzunaldean benetan leku bitxia dugu hemen. Begiratzen zaion lekutik begiratuta, mendi honek perfil berezia erakusten du. Hiru gailur biltzen dira hemen: Irumugarrieta, Txurrumurru eta Erroilbide. Aiako Harrian granitoan eskalatzeko aukera dago. Paleozoikoan sorturiko mendigunea izanik, herrialdeko materialik zaharrenak barneratzen ditu. Tontor horietako koloreak eta azalak atentzioa deitzen dute.

 Mendebalde aldean bia klasiko eta berriak aurkituko ditugu. Duela gutxi bia berrik ireki dira eta oraindik ekipatzen ari dira. Aiako Harriko biak gutxitan eskalatzen dira, askotan harri suelto baitago eta aseguramentua prekarioa baita. Hala ere, biaren bat eskalatu eta mendi buelta bat ematea merezi du, ingurua ederra baita.

(Info gipuzkoaeskalatzen.blogspot)

Egindako bidea Muganixeko espoloian zehar, eta tontorretako zeharkaldia.

NOLA IRITSI:

Oiartzunen Irunea doan GI-2134 karretera hartuko dugu. Gurutze auzoa iritsi baino lehenago “Castillo del ingles” norabidea hartuko dugu (GI-3454). Hirugarren kilometroa eta gero lepo zabal handi batera iritsiko gara. Hemendik Oiartzun alde batean eta Bidasoa harana bestean ikusiko dugu. Hemetik  jarraitu karretera Elurretxeko parkina topatu arte, aldapa bukaeran, 6. kilometroan

FITXA TEKNIKOA:

Muganix hurbilketa: (Info gipuzkoaeskalatzen.blogspot)

Elurretxetik aterata, hartu bide normala, bunkerra baino lehen eta basoko zabaldi batean, aldapa lasaitzen denean, bide nagusia utzi eta eskubialdera jo. Arretaz eta intuizio handiz, zeharkatuko dugu malkar desoroso eta aldapatsu bat, Muganixeko pareta bertikalaren azpitik pasako gara eta eskubialdean sumatzen da belardira jeisten den ertza.

20´tara eta logika pixka batekin A sektorearen seguruak aurkituko ditugu. Ertzaren beste aldean B eta C sektoreak kokatzen dira

Materiala: 8 edo 11 zinta, luzeren bat enpalmatu nahi baldin bada, horretaz gain, bilguneetarako materiala. Friend eta fisureroak ez dira beharrezkoak, dena txapatuta eta oso ondo gainera.

Arroka mota: Granito zaharra, itsasgarritasun handikoa. Arroka oso zendoa baina blokeren batekin erne ibili behar dena.

Orientazioa: Mendebaldea

Bidea egiteko denbora: Ordu bat

Egindako bidearen krokisa

LUZEEN DESKRIBAPENA:

Erlaitz I (4b, 80 m, 4a obligado)

L1 (25 m, 8 seguros, 4b): Placa relativamente tumbada con buenas presas. Roca con muy buena adherencia. El pasito más duro está en la entrada a la vía. Seguros bastante cerca. Reunión a base de químicos al lado del arbolito.

L2 (25 m, 5 seguros, 4a): Placa tumbada de roca compacta con los seguros un poquito más alejados que en el anterior largo. Reunión sobre 3 parabolts y un spit.

L3 (30 m, 3 seguros, 3b): Largo en el que la dificultad baja mucho. Las placas se tumban mucho y salvo un murito el resto es muy fácil.

ERREPORTAIA:

Ibanekin, atera baino lehen Elurretxeko parkingean ateratako argazkia, eguraldiak ez zeukan itxura oso onik, baina eguna aurrera joan ahala hobetzen joan zan.

Basoan zehar, tontorretara doan bidea hartu beharrean, eskumara doan bidea jarraitu eta bunker batera heldu bezain pronto, ezkerretara ateratzen den zuhaizka batetik igo.

Bunkerraren inguran, eta bertan dagoen kartel orientagarria

Hartu beharreko bidezka

Baso txiki bat zeharkatu behar da

Eta honako langa honetara iritsi

Langa zeharkatu eta oso zapaldua dagoen bidea jarraitu

Espoloiaren ingurura heldu arte, hemen espoloira doan bidea jarraitu, behin goikaldean egonda, oso azkar ikusten dira txapak.

Espoloia, eta neu nagoen tokian hasten da bidea

Lehen luzea, arroka apur bat bustita zegoen, 25 metrotako luzea, oso ondo txapatuta eta bilgune eroso batekin, kate bat dauka bilguneak jada.

Bilgunean

Lehen bilgunea

Iban lehen luzea igotzen

Bigarren luzean jada, eguzkiak ematen digu, eta arroka oso lehor dago, lehen luzea baino bertikaltasun gutxiago duena.

Bigarren bilgunea, rapelatzeko prestatuta dago, eta horretaz aparte beste bi parabolt dituena, errepisa oso eroso batean, eta inguru ezin hobean.

Falta zaiguna

Azken luzea, trantzisioko luze bat, pare bat txapa dituena tarte zailenean, gomendagarria zinta luzeak erabiltzea, soken marruskadura ekiditeko.

Bilgunean

Iban hirugarren bilgunera iristeko azken metroetan, giro ezin hobea eta eguraldi bikaina.

Muganixeko tontorrean (758m)

Katuak kendu, zerbait jan, oin hutsik, eguraldiaz eta parajeaz gozatzen

Irumugarrietak tontorrerantza abiatzen gara sokak eta dena batu eta gero.

Irumugarrieta (810m)

Tontorra pasa eta Txurrumurrurako bidea jarraitzen dugu, igo-jeitsi konstante batean

Txurrumurruko tontorrea (826m)

Iban, anillaren pausura jeisten, kontuz euria egiten duen egunetan

Arbollara hurbiltzeko lehen destrepea, arbollako pausua III graduarekin kalifikatuta dago baia presa oso onak ditu eta ez dekoz arazo handirik.

Lehen arbolla, bertatik rapelak egiteko prestatuta dago, guk ez genun beharrezkoa ikusi.

Pitzaduratik pasa genuen, hemen pitzaduraren zatira hurbildu ginen, bertatik igarotzeko errezagoa ikusi genuen eta, marka gorriak ere hemendik zetozen.

Errolbidera bidea, falta zaiguna, bide polita, harri artean, oraindik kolore apur bat falta zaio belarrari, udaberria sartu arren nabaritzen dira azken astean eroritako elur eta euriek bellegi utzi daurie bedarra.

Errolbideko tontorrean (837m) eta eguneko tontor altuena

Endarako urtegia

Aiako harriak Errolbideko tontorrotik ikusita, jende asko zegoen gaurkoan, baina Errolbideko tontorra, dituen zailtasunak direla eta, beti bakartasun handiagoa dauka.

Tontorrean zerbait jan eta edan ondoren, gauzak jarri eta etorritako bide berdinetik bueltatzen gara, aritxulegira doan bidea jarraituz gero eguna luzatuko zitzaigulako eta bazkaria itxaroten genuekan Donostin.

Iban anillako pausua berriro igarotzen

Ume batzuk aitarekin, jeisteko zailtasunak zituzten eta apur bat lagundu genien ;)

Azken trepadatxoak

Joan baino lehenago, Muganixeko tontorrari argazki bat eta egindako espoloia

Elurretxerantza

Hemen Ibanek egun honetaz grabatutako bideoa, ikustea pena merezi du.

Egun oso polita, mendiaz asko gozatu genuen, bide erraza baina leku ikaragarri batean, oso gomendagarria. Animatu eta probatu ;)

Hurrengoarte