2017_09_17-Foratata (Ertzen trabesia)

Pasadan asteburuan Mikelegaz gelditan naz zapatuan bazkaldu ta gero Valle de Tenera jeisteko, ideia domekan Foratatako Capricho de Primavera (6c/430m) (V+oblig) eskalatzea zan, baia domeka goiza oso haizetsua eta hotza hasi zan, hala ere soka eta materiala hartu genuen, eta bidearen oinarrirarte joan giñan, baina haizeak eta frantziako mugatik zetozen lainoak atzera bota gintuzten, han geunden, goizeko 10tan Foratata azpian, gauzak harri batzuen artean ostondu eta gero Foratatako normaletik igotzen hasi giñen, Foratatara heldu arte, hemendik jeisteko ta Foratata Oriental eta Occidentalen ondotik pasaz, Brechara heltzeko. 

Hemendik Formigaleko bidea hartu genuen berriro, utzitako soka eta txapak hartu eta kotxera joan giñan, bazkari on bat prestatu genuen Olivaneko picknik gunean eta tonto aurpegiagaz bueltau giñan etxera, hori bai, egindako ibilbidea eskalada bidea bezain ona izan ez baden arren, asko gustatu zitzaigun.

FITXA TEKNIKOA:

Hemendik Formigaleko bidea hartu genuen berriro, utzitako soka eta txapak hartu eta kotxera joan giñan, bazkari on bat prestatu genuen Olivaneko picknik gunean eta tonto aurpegiagaz bueltau giñan etxera, hori bai, egindako ibilbidea eskalada bidea bezain ona izan ez baden arren, asko gustatu zitzaigun.

ERREPORTAIA:

El Sitio tabernara joan giñan, garagardo batzuk hartzera, gaba heldu arte.

 Ondoren, parkingean afari goxo bat prestau giñun ta arineketan ogera, oingoan gonbidatu berriarekin.

  

Hurrengo goizean, haizea eta hotza, hala ere gauzak artu ta hormara joan giñan, baia ez genuen argi ikusi ta zirkular polit hau egin genuen. Canal Sur igo eta bertatik tontorrera, Virak hartu ta hurrengo tontorrak eginaz Brechara jeitsiz kotxera bueltatzea.

Capricho de Primaverako hegoaldeko espoloia.

Mikel hegoaldeko kanaletik ateratzen.

Valle de Tena, Sallent eta Lanuza, urtegiagaz ta Telera maiteak.

Peña Telera, Maribel, Maria Jose, Maria Luisa eta nobia guztiekin, negua heltzeko gogoak badaude.

Formigal ingurua.

Jeitsiera hasten, rapel instalazio dezente daude, eta sirga batzuk tarte zailenak jeisteko, kontuz ibiltzekoa.

Arriel, Palas, Balaitus eta Frondiellas ingurua.

Foratata eta Foratata Occidental orientalera bidean, eguna aurrera joaz hobera egin zuen.

Laguntxu bat, bere etxeko atarian.

Eguzkilorea.

Formigalera bidean, jeitsiera polita, eguna sano hobera joan zan, pena ez sartu izana horman.

Olivaneko picknik gunean bazkaritxoa prestatzen, arroza kubatar erara.

Pena ez eman izana, baia beno, modu polit batean salbatu genuen eguna, oso polita iruditu zitzaigun mendia, bista ikaragarriak dituena, eta paseo hutsa ez dena. Hurrengoarte!