2019(e)ko azaroaren 27(a), asteazkena

2019_11_24-Lunada. Castro Valnera (1.718m)

Domekan Lunadara hurbildu nintzan Dani ta Begogaz, ta etxeko bi txikiekaz, bertan jausitako elur kantitatearen egoera ona aprobetxatu nahiean, niretzako lehen bisita inguru honetara, asko gustatu zitzaidana, lasaia eta basatia, isolatua eta polita.

Igoera oso ederra iruditu zitzaidan, hasierako etxolan arteko bidea, basoa, goikaldeko trabesia eta inguru honek dituen aukerekin oso pozik bukatu genuen, Espinosan kallotxo batzuk bazkaldu ta gero, egun ederra konpañia onean.

FITXA TEKNIKOA:
  • Eski zailtasuna: S2 
  • Desnibela: 700metro aprox
  • Luzera: 10 km inguru.
  • Ibilbidea: Bernacho-Chabolas-basoa-Cubada ta Castro arteko lepoa-Castro-jeitsiera bide berdinetik.

ERREPORTAIA:

Bernachoko etxoletatik hasi genuen igoera, pista alde batera utzi ta gero.


Aiur elurretan pozik


Apurka lehen maldak igotzen goaz basora murgiltzeko.



Basotik


Aiur


Cubada Grande eta Castro Valnerara igotzen den lepora bidean, erromeria ona atzetik.


Lepora behin helduta, haize asko.


Peña Negra inguruko zelaietatik.


Altura hartzen


Haizea zala eta, atzekaldetik bordeatu genion, eta goikaldeko zelaian fokak kendu ta beherantzako jeitsiera hartu genuen, haizearen eragina zela eta bedar tarteak ez pasatzeko, tontorra beste baterako utzi genuen.

Dani jeisten


La Maza inguruko eolikoak


Dani


Lepora bueltatzen, Bego atzean ta aurretik Dani arraunean.


Cubada ta Castro arteko lepotik basora doan jeitsiera, oso egoera onean zegoen ta asko gozatu genuen, ezkerraldetik jeitsiz ondoren flankeo txiki batean basoko altuera lerroa galdu gabe Bernachora itzultzen.


Inguru ederra, Bego behekaldeko biraketetan.


Txaboletatik kotxera fokak berriz jarri izan behar izan genituen, eski egun ederra bukatzeko.


2019(e)ko azaroaren 18(a), astelehena

2019_10_27-Cueto Agero. Espolon Sur (300m/6a)

Eguraldi ona bilatu nahiean hurbildu giñen Hermida eta Liebenako haranera, bertako harroka beroa eta bertikalean disfrutatzeko asmoagaz, barikuko eurien ondoren, zapatua Peña Cigalen eskalatzen pasa genuen, eta domekan, Cueto Ageroko hormetan estreinatzeko gogoekin, giñan, aurretiaz ingurua ezagutzen genuen, Castro Candilejas eta Risco Pardecillosen eskalatua genuen, baia Agero handia egin beharreko zerrendan oraindik genuen. 

Bertako Espolon Sur famatu eta ebideentea aukeratu genuen, graduz hobeto etorten jakune bait zan, bidea oso ona iruditu zitzaigun, hala ere, diedro eta enpotre horietan eskalatzeko teknika falta nabaritu genuen, lekua oso bakartia ta lasaia iruditu zitzaigun, eta ekipamendu gutxi duena, arrokaren kalitatea oso ona da orokorrean, hala ere pasarte batzuk begetazioarekin eta kontuz ibili beharrekoa dira. Leku oso gomendagarria eta inguruko klasiko eta derrigorrezko bat dela iruditu zitzaigun.

FITXA TEKNIKOA:
  • Nork ekipatua: Javier Torralbo, Jesús Rodríguez eta Ángel Cianca  1973an.
  • Nola heldu: Agerora doan bidea jarraituz, bordetara heldu arte, hemen Agero mendia azpitik pasatzen dugu, kablera heltzeko, hemendi gora hitoeikin, hormara heldu arte (1h15min).
  • Zailtasuna: 6a eta 300m ; MD inf.
  • Orientazioa: Hegoaldeko aurpegia, oso arin lehortzen den arroka.
  • Arroka mota: Kalitate oso ona duen kare harrria.
  • Ekipamendua: 60 metrotako bi soka, Friends joko bat (0.3-4 artean) eta fisurero joko bat. Zinta luzeak eramatea gomendagarria.
  • Jeitsiera: Tontorretik Castro Candilejas eta Agero artean dagoen lepotik jeisten den bidetik behekaldeko txaboletara heltzeko, hemendik pista hartuz Allendeko herrira heltzeko.

Hokus Pokus blogetik hartutako krokisa


7Paredes7Jamadas blogeko krokisa, oso ondo etorri zitzaigun.


ERREPORTAIA:

Lehen argiekaz atetan gara lasai-lasai Allendeko herrixkatik, Agerora markatzen duen bidea jarraituz.



Castro Candilejas eta Cueto Agero 


Aterpe libretik hitoak jarraituz kablea hartzen dugu.


Lebeñako herria


L1 (6a/50m) Diedro baten bila, ondoren tximia pitzadura batetik sartzen dena, lau iltzerekin babestuta, nahiko sobatua zegoen helduleku onenak.


L2 (IV+/50m), bilgunetik atara ta eskaloiak igarotzen goaz babaresa oso ebidente batear heltzeko, hemendik zuhaizka baten ondotik pasatzen da ondoren ezkerretara joateko Water Walleko bilgunean egiteko, erosoagoa (spit + iltzea).

L3 (V/40m), bilgunetik eskumatara joan arrakal handi bat kanpotik eskalatzeko, ondoren beste diedro bat ebazteko, bi iltzegaz babestuta, bilgunera heltzeko, bi iltze, totem txikiekin berrindartzeko aukera.


Inguru ezin hobea



L4 (6a/25m) Beste diedro bat, repisa oso gertu duena, ta forma nahiko romoekin, ondo sartu behar zaio, bi iltzegaz babestuta dago, ondoren bilgunera heltzeko desplometik ateratzean gradua jeisten da.

Falta zaiguna ikusten


Paraje ederra, eguraldi oso ona, haizerik ez ta eguzkia egun osoan ostonduta.



L5 (6a/50m) eskumatara doan trabesia ederrean hasten da, laja ikaragarri batetik, ondoren iltze bat txapatzeko, modu ikaragarrian eskumatara forma diagonalean igotzen bilgunera heltzeko, bide guztiko luze onena, arrokaren kalitatea ikaragarria. Bilgunea iltze bat ta zubi arroka.

L6 (IV+/40m) bilgunetik eskumatara joan, iltze bat aurkitzeko, arrakal ebideenteak igotzen eta sabaia handiaren azpitik ezkerretara joera hartuz bilgunera heltzeko, hiru iltzerekin. Luze honek begetazio dezente deko.

L7 (6a/40m) bilgunetik atera bezain laster, arrakal handi bat daukagu, garbia, friend ertainekin ondo babestu daitekeena, pausua blokean da, ondoren joera eskumatara hartzeko ta hemendik zailtasuna jeisten da, bilgunea arroka bloke batean iltze bat duena.

L4 (IV/60m) hemendik ezkerretara dagoen trabesia arriskutsua egin daiteke kanalarekin batzeko edo azken luze bat, tontorrera heltzeko pare bat pausu ditu isolatuak direnak, apur bat kaotikoa eta bide zehatzik gabe azken gune hau.


Gauzk batu ta jeisteko bidea hartzen dugu, hitoak jarraituz bordetara joateko joeragaz.



Tontorretik jeistean, eguzkia ateratzen zaigu kanalera heldu baino lehen, Agero eta Candilejas artean.



Allendera jeisten, haranaren bista ezin hobeekin.


Bidean egin genuen laguntxoa


Bide ederra, oso gomendagarria, alpinoa eta inguru ikaragarrian, eskalatzea exijitzen duena eta ekipamendu fijo gutxi duena, bostgarren luzeko trabesia ikaragarria iruditu zitzaigun biei, luze onena duda gabe. Ageroko espoloia Hermida inguruko derrigorrezko bat dela esaten dute, ez du huts egiten.

2019(e)ko azaroaren 17(a), igandea

2019_11_16-Artzanburu-Aloña mendi eskia

Pirinio aldean iragarrita zegoen elur kantitatea zela eta, azkenean etxetik gelditzea erabaki genuen, eta Arantzazura hurbildu giñen zapatuan, bertatik Artzanburu inguruko tontorretatik dauden paletatik apur bat eskiatzeko, egun guztia elurpean bota genuen, lainoaz inguratuta, gora eta behera Artzanburutik, goiz ederra pasa genuen.

Inguru honetako ibilbide klasikoa, Arantzazutik Duruko bordetara doan bidea hartuz, ondoren Eskistako lepora heltzeko, eta hemenik Artzanburu eta Tellakaskueta tontorrak igo genituen ondoren elur berriaz gozatzen jeisteko, pena bat lainoan barneratuta egotea eta bistaz ezin disfrutau ezina.

FITXA TEKNIKOA:
  • Eski zailtasuna: S2 
  • Desnibela: 700metro aprox
  • Luzera: 10 km.
  • Informazio gehiago hemen LINK





2019(e)ko azaroaren 12(a), asteartea

2019_11_09-10-Astun ta Candanchu denboraldi hasiera

Lehen edurrak Piriniora heldu ziren ta eskiatzeko gogoak elurra heldu bezain etorri jakuzan, asteburue eguraldi kaxkarrra eman arren, Piriniotara bidea hartu genuen eskiekin bakarrik, Astun eta Candanchuko gertutasuna eta pistetan elurra zapaltzen hasi zirela aprobetxatuz bertan asteburua pasatzeko.

2019.11.09_ASTUN

Zapatuan lasai esnatu ta goizean iragarrita zegoen eguraldi oneko leihoa aprobetxatzeko asmoekin Astunera joan giñan, bertan eskiatzaile ugari zegoen, elur kantitatea ugaria zen eta goiz ederra bota genuen bertatik jeitsierak egiten.


Truchas-Toboganes ingurura igotzen,



Hemendik beherantza ta Canal Roya ingurura doan bidea hartu genuen, bertatik berriro botatzeko.



Eta eguraldia eta lainoa eusten zuenez, La Raca-co tontorrera igo giñen 2.278 metrokoa, bertatik Astuneko behekalderaino jeisteko.




2019.11.10_CANDANCHU

Tobazo ingurura igotzen, eguzkia egunean zehar joan eta etorri ibili zen, behe laino baten atzetik.



Berriro gorantza, pistetan elurra zapaltzen ari ziren, eta elurra jausten jarraitzen zuenez izugarri gustora ibili giñen.


Berriro gorantza, Slalonetik Tobazora doan ingurutik.


Espero dogu denboraldia ona izatea.