2020_08_15-Cavallers Orient Expres (220m/6a+)

Abuztu erdialdean, Mikel Pirinio aldean zegoen ta bertara hurbildu nintzen egun batzuk berarekin pasatzeko asmoarekin, Cavallers inguruan gelditu giñen zonalde hori ezagutzeko, bertan lau egun pasa genituen, bertako bide klasikoa ta kirol eskaladako sektore klasiko batzuetan eskalatzen, egunero furgora jeisten giñen lo egiteta hori dala eta presa ingurutik ibili giñan, Antro, Inerte eta Kanalla sektoreetan, bertan Eibar inguruko lau artista ezagutu genituen ta barre on batzuk bota genituen beraiekin.

Eguneroko rutina ederra izan zen, esnatu, gosaldu, eskalatu, bainutxua errekan, bazkari-merienda ederra ta garagardoak ezagutzera, bukle infinito bikaina

FITXA TEKNIKOA:

• Zailtasuna: 220m/6a+
• Denbora: 45 min hurbilketa basko hitoak jarraituz.
• Orientazioa: Hego-ekialde
• Materiala: 60 metrotako bi soka, 12 expres, friendak 4rarte eta fisureroak.
• Ekipamendua: Semiekipatuta, bilguneak ia guztiak rapelatzeko ta plakak paraboltekin pitzadurak babesteko aukera ugarirekin.
• Ekipatzaileak:  C. Eguía eta M.C. Magdalen
• Nola heldu: parkingetik kotxea utzita, horma ikusten da, hitoak jarrraituz basotik. Erraza.
• Jeitsiera: Rapelatzen.

Krokisa: Arañita Escaladora

ERREPORTAIA:

Cavallers ingurua presatik ikusita

Orient expresera joateko bi aukera daude, presa azpitik edo goitik, antzekoak dira biak, agian erosoagoa behekaldetik sartzea.

L1 ondoko bidetik sartu giñan, 6b eder bat, 25 metro ingurukoa.

Luzeak ebatzi ahala altura hartzen goaz, presa ingurua ta parkinga.

Naranja koloreko granito ederra, forma eta seta ederrekin

Bigarren eta hirugarren luzea V+ graduan mugitzen dira baia ez mantenituak, hirugarrena nahiko itsusia trabesia lateral batekin begetazio gehigirekin gure gusturako.

Laugarren eta bostgarren luzeak, 6a+, bertikalak eta ederragoak dira, pare bat boltek plakak babesten dizkugute goikaldeko erdiguneko terraza batean bilgunea egiteko.

Seigarren luzea 6a irtera eder bat dauka, ondoren azken luzea ebazteko, 6a+.

Goikaldena euriak harrapatu zigun, bide ederra, baia hain kritika eta balorazio ona izanda gehiago espero genuen.

Dutxatxoa edozein txokotan

Kirol eskalada egiten, Kanalla sektorean, 6a+ eta 6b+ artean bide ugari duen sektorea, goizetik joateko orientazio ona dauka.

Bueltatzen parkingera, inguru ederra Cavallers, hala ere goikalde ingurura igotzeko pena gelditu zitzaigun.

El dia de la marmota, gosaldu, eskalatu, bainutxua, bazkaldu ta poteoa, holan bai bizi lei!

2018_12_08-Cadi-Moxeiro.Variant Ordiguer (450m AD+/V/80º)

SARRERA

Abenduko zubie aprobetxetako asmoagaz, Girona aldeko piriniotara jeitsi giñan, aste guztie jai hartute, bertako inguruetaz gozatzeko.

Hasieran bost egun pasatzen ditugu Vallter haranean, bertako mendiak ezagutzen, korridoreak eta bertako eski pistetatik eskiatzen, handik Coronesko kirol eskaladako hego hoormetan hezurretako hotza kentzen dugu ta Port de Comteko eski estazioan eskiatzen dogu barikuen, zapatua, masifikazioetatik ihes egin gurean Cadi-Moxeiroko parke naturala ezagutzera hurbiltzen gara.

Komentatu ziguten arren baldintzak onenak ez zirela, bertako ohikoena egitera joan giñan, baia bariantetik, mixto apur bat bilatu gurean, erresalte politak aurkitu genituen, kranpoietako puntak apur bat borobiltzeko beste.

Mendi berezia, leku ikaragarri batean, Peña Teleraren antza nabaritu nion, bere hormatzar horizontala, goullote eta korridorez beterik.

Egin genuen bidea polita iruditu zitzaigun,  korridorea nahiko erraza da, bariantea guztiz lehor aurkitu genuen, baia baldintza onekin erraza izan behar du, bilgune ugari aurkitu genituen, antizikloia jarraitzen zuen eta berataz ahal zan guztia gozatu genuen ta egun polita pasa genuen bertatik.

FITXA TEKNIKOA

Luzera: 450m
Zailtasuna: AD+ V/80º
Materiala: 60 metrotako soka, friend eta fisu batzuk, zinta luzeak.

Jeitsiera: Tontorretik bi mendien arteko lepora, hitoak jarraituz beherantzako bidea hartuz ezkerretara, GR poste bat aurkitu arte, hemendik Cristall kanaletik behera Prat de Cadira heldu arte.

ERREPORTAIA:

Goizetik ateratzen gara Prat de Cadira bidean, igoera nahiko erosoa, ordu baten inguruan ritmo lasaian heltzen gara bertara.

Aproximazioa zapatilekaz in giñun ta korridoreak hasten dizen lekuen botak jarri genituen.

Ordiguer eta Amagada (Katalanez izkutatuta) korridoreak banatzen diren puntuan.

Lehen blokeak aseguratu gabe pasatzen ditugu.

Hurrengoa aseguratzen dugu, totem beltz bategaz eskumatara daagoen bilgunearen bila joateko.

Mikel berriro soka batzen du ta ritmo arinean igotzen gara.

Erresalte ugari

Blokea lehor zegoen arren, bertatik pasatzeko asmoa genuen.

Goullote sikua friend bategaz babestu ta tarteko bilgunea enpalmatuz blokeari eman genion.

Goikaldean trantzisiozko luze batzuk ertz batera heltzeko, bertatik trabesia ugari egin behar dira Ordiguer kanalaren bila joateko, geu ezkerralderantza joan giñan zuzenean cristal korridorea bilatu nahiean bertatik jeisteko Prat de Cadira.

Bilgunea, totem power!

Cadi Moxeiro, ederra benetan.

Canal Cristal

Mendilerroa Prat de Caditik ikusita, bertan jende ugari zegoen paseotxoa egiten.

Parkingera heldu, gauzak batu ta leka batzuk pernilagaz jan genituen, kafetxo bategaz etxerantza buelta laburtu nahiean Montgayra lo egitera.

Hurrengo egunean Sant Llorent de Montgayn bide erraz bat egin genuen ta goiz itzuli giñan etxerantza.

Hurrengoarte!

2018_12_02.-Gra Fajol Petit. Canal ESTRETA, 200m AD+/200m/IV/60º

SARRERA:

Abenduko zubie aprobetxetako asmoagaz, Girona aldeko piriniotara jeitsi giñan, aste guztie jai hartute, bertako inguruetaz gozatzeko.

Setcaseseko herrira heldu giñen, aurreko arrasti guztia errepidean pasa ondoren, domeka izanda eskiatzaile kopuru handia zegoen parkingean, lasai lasai eskiak prestatu ta motxilak materialagaz bete ta ipar aurpegirantza doan bidea hartu genuen.

Mendi berezia, Gironako Ulldeter-Vallter haraneko aipagarrietarikoena, polita, asko gustatu zitzaigun, korridorea nahiko erraza da, antizikloiak gozatu genuen ta egun polita pasa genuen bertan.

FITXA

Luzera: 200m
Zailtasuna: III/IV AD+ 75º
Materiala: 60metrotako soka, friend eta fisu batzuk, zinta luzeak.
Jeitsiera: Tontorretik bi mendien arteko lepora, hitoak jarraituz beherantzako bidea hartuz, aterpera doan bidea hartzen dugu.

ERREPORTAIA:


Aproximazioa Vallter 2000ko eski estazio azpikaldetik dagoen parkingetik egiten dugu aterperantza doan bidea hartuz.

Gra Fajol petit eta erdialdean bere korredore famatuena, Estreta.

Eskiak azpian uzten ditugu ta gorantza goaz motxila gabe.

Lehen luzea, resalte bat deko, parabolt bategaz babestuta dagoena, ta ondoren beste bategaz enpalmatzen dot bilgunea bi friendgaz iteko.

Friend urdin totem bategaz pausua babesten, nahiko tallatuta eta izotz gitxi.

Hurrengo resaltea be aurrekoan antzekoa, puntatxoak altxa ta izotz kortxoa azkar hartzen da.

Bilgunea bi totem txikigez ezkerraldean dauden pitzadura bertikaletan.

Mixtotxo zati bat igaro ondoren, goiko zelaietara iristen da, polita ta erraza.

Behin ertzan, soka batu ta tontorrera hurbiltzen gara.

Gra Fajol Petiteko tontorrean pozik.

Gra Fajoleko ipar aurpegia, baldintza nahiko eskazakaz.

Lepoan ezkerretara jotzen dugu motxila eta eskien bila Vallterreko eski pistak duen freeride pistatik jeisteko.

Bideo polit bat inguren ideia hartzeko.



Hurrengoarte!