SARRERA:
Aurreko egunean Alto Campoo ingurutik egon eta gero, furgoneta hartu genuen eta Ramales de la Victoriatik gora Ranero ingurura heldu giñen, Pozalaguako kobetan furgoneta aparkatu eta merezitako afari bat bota genuen. Hurrengo goizean izarak apur bat itsatsi zitzaizkigun, aurreko egunetik materiala prest utzi genuen eta arin batean gosaldu ondoren Pozalaguatik Raneroko hormetara doan bidexka hartu genuen, Raneroko horma hauetan gure lehen esperientzia izateko irrikitan.
FITXA TEKNIKOA:
- Zailtasuna: 150m/6a+ (6a oblig.)
- Lehen igoera: Luismi eta Iñaki (2009ko azaroa)
- Denbora: 40min hurbilketa; 4 ordu eskalada;1.5h rapelatzea eta 30 min kotxera.
- Materiala: 60 metrotako bi soka, Friends joko bat (0.3-3 artean) eta fisurero joko bat. Zinta luzeak eramatea gomendagarria.
- Nola heldu: Krokisean ondo zehaztuta agertzen da.
- Bibliografia:Mendiak eta eskalada webgunean oso aktualizatuta dago Ranero inguruan ematen den eskaladak.
LUZEAREN KROKISA
*Krokisa, mendia eta eskalada blogetik ateratakoa
da.
ERREPORTAIA:
Furgoneta parkinean utzi eta bederatzitarako
materaiala aukeratu, banatu eta oinez ekiten diogu bideari.
Paretaren bila denboratxo bat pasa ostean honen azpikaldean kokatzen gara, arnesak jantzi, materiala ondo kolokatu, motxila bertan uzten dugu, ondoren horma rapelatzeko ideia dekogulako.
L1 (6a+/40m): Bidearen luze zailena eta aldi berean luzeena
dena, luze oso konstante bat da, ondo babestua bi iltze eta bi paraboltekin eta
behekaldean arroka zubi batekin,azken paraboltean sabai txiki bat dauka, hankak
itsasgarritasunean jolasteko eta eskuman pitzadura on batekin babesteko.
Bilgunea zuhaitz batean eraztun batzuk dituena.
Bideak gradu oso altua ez izateak, katxarreoan
ibiltzeko eta gozatzeko aukera ematen du, hala ere lehen luzean badauka
pausuren bat apur bat apretatu beharrekoa.
L2 (6a/35m): Bigarren luzea bilgunetik artezean ateratzen da
eta parabolt batera dijoa, pausua zailena babeste duena, apur bat gorago arroka
zubi bat dauka. Luze hau oso ona da, baina bere azken zatia apur bat apurtuta
dago eta babesteko apur bat zaila da arroka apur batetik joaten baita. Bilgunea
bi paraboltekin.
L3 (V+/30m): Laugarren luzearekin batera, bidearen luzerik
onenetarikoa, bilgunetik ezkerretara trabesia bat eta zuhaitzetara heldu baino
lehen pitzadura/diedrotik gora, arroka zubi bat ikusi arte igo, bidea plaka
beltz desplomatu baten azpian jartzen da, kantu pintxodun asko daukana eta
hankak barrabarra, luzearen erdialdean parabolt bat daukagu, leku estrategikoan
eta gorantza jarraitzen du bilgunera heldu arte, delicatesen!!!
L4 (V+/30m): Luzea eskumatara igotzen da, arroka zubi bat
bilatzera, eta ondoren pitzadura bertikal oso on batean sartzen da, ertainak
diren friendekin oso ondo babesten dena, luze hau ikaragarri ona ere iruditu
zitzaidan, pitzadura pasata, balkoitxo batera ateratzen gara, ezkerretik joanda
bilgunea bi paraboltekin aurkitzen duguna.
L5 (V/20m): Bilgunetik atera eta hankak igotzeko pausutxu
bat dauka iltze batera heldu arte, ondoren bavaresa/arrakal handi batean
sartzen gara, C3 oso ondo etor daiteke, edo tótem laranja ere, arrakala
eskumatara jarraituz bilgunera heldu arte, parabolt batekin eta arroka zubi
batekin berrindartzeko.
Azkenean gora ailegatzen gara, R5 parabolt bak bakarrik dauka eta berrindartuta eraztun baten bitartez. Eguraldia itsusi ipintzen ari da, korrika beherantza.
Bion artean eskukoa eman baina kontuz, hau oraindik ez da amaitu eta! Zorura
iristeko rapelatu behar da, eta sokak trabatzeko aukera dezente daude.
- R5→R3 (50m)
- R3→R2 (30m)
- R2→R1 (35m)
- R1→Zorura (40m)
Behin zoruan, irrifarre on bat, ur trago bat,
arnesak eta trasto guztiak motxilan sartu eta korrika batean pozalaguarantza
doan bidexka hartzen dugu, bertan Zior eta Jonan itxaroten ditugula, Muskizera
joateko, kañita eta Athleticken partidua ikustera, gaur merezi dugula.
Asteburu bikaina, azkenean eguraldiak errespetatu egin digu eta urtarrilean manga motzean eskalatzea eta aurreko egunean ipar aurpegi batean elur torlojuak sartzea asteburu berdinean ikaragarri ona da.
Asteburu bikaina, azkenean eguraldiak errespetatu egin digu eta urtarrilean manga motzean eskalatzea eta aurreko egunean ipar aurpegi batean elur torlojuak sartzea asteburu berdinean ikaragarri ona da.
Laburtuz, ikaragarri ona iruditu zitzaigun
eskalada bidea, gozatzekoa eta Raneron bataioa izateko aproposa, arroka
kalitate oso onekoa eta paraje bikainean, gomendagarria %100an!!!
***OHARRA: 2017-02-02 Ranero. In Decrescendo bidearen R4-tik hurbil sai arreen 2 habi daude. Mesedez ez eskalatu bide hau irailaren 1era arte.
Oharra: horma hau Cantabrian dago eta oraingoz bertoko gobernuak ez du erregulatu.
(Eskalatu baino lehen, kontsultatu HEMEN BIZKAIKO REGULAZIOEN BLOGA)
Aurreko egunean egindako bi korridoreen erreportaiak
iruzkinik ez:
Argitaratu iruzkina