2017(e)ko martxoa 3, ostirala

2017_02_26-Pico del Aguila (1.972m) Ipar korridorea (AD/D-/270m)

Ostiralean Piriniotara jeitsi nintzan Mikelekin eta Telerako Maribel (D+/MD-/350m) korridorea egin genuen, eta Tenako haranean zegoen elur/izotz baldintzak ikusi genituen. Zior eta Jonan, zapatu arrastian batzen zitzaizkigun asteburuko plan honetara, eta ideia zen beraiekin zerbait egitea domekan, hori dela eta Teleratik jeisten ari giñela baldintzak zeintzuk ziren komentatu eta Jacan gelditu giñen, plan B bat aurkitu nahirik.

Villanuako Triton alberguean lo egiteko lekua hartu ta bertara hurbildu giñen iñauteri egunean, Mikelek eta neuk primeran sartu zitzaigun dutxa bero bat hartu eta garagardo bat hartu ta gero afaria prestatu genituen, hiru makarroi platerkada eguneko petxada errekuperatzeko jajaja.

Hurrengo egunerako plana, goizeko seirak aldera esnatzea, lasai gosaltzea eta gertu geneukan Canal Royako parkingean kotxea utzi eta gero Riosetatik gora Aguilako ipar korridorea egitea, tontorrean apur bat tontoarena egin mozorro batzuekin eta kotxera itzultzea, Jaca inguruan dagoen "Piknik-gune" batean bazkari goxo bat prestatu eta eskiatzaileen kotxe karabana ekiditu.

Pico Aguilako ipar korridorea,  goiz batean lasai egiteko erakarpen oso ona dauka dauka: gerturatze errez eta laburra baitu. Korridore ez oso zaila eta gainera ekipatuta dagoena, eta paraje oso polit batean dagoena, oso gomendagarria.

NOLA HELDU:

Canal Roya-ra (Portaletekoa ez, Canfranc-ekoa) heltzeko, Canfranc geltokitik Candanchuko bidean pare bat kilometroetara egongo da gutxi gora behera igotzen ari garela eskuinera zubi baten ondoan dago.

FITXA TEKNIKOA:

 photo 0_zpsodutedus.jpg
(Web-etik dabilen krokisa, Landher mendi dendak duen reseñatik hartua)
  • Zailtasuna: AD/D- 270 metro (Baldintzen arabera asko alda daiteke)
  • Materiala: Kaskoa, bi piolet, kranpoiak, arnesa, aseguratzeko ekipoa, 60 metrotako bi soka, friend eta fisurero batzuk ondo etor daitezke, 2 izotz torloju eta neguan beti laguntzen dute pare bat iltze, korridorearen baldintzak, elurra eta izotzaren arabera asko aldatu daitezke.
  • Desnibela: 400/500 metro inguru ekintza guztiak; korridorea 270 metro.
  • Ibilbidea: Canal Royako parkinga-Rioseta-Korridorea-Pico Aguila tontorra-Hegoaldera doan jeitsiera-Rioseta-Canal Roya.
KORRIDOREAREN BASERA HURBILKETA:

Errepidetik 400-500 metro egin ondoren eta Rioseta kanpamentua bistan dugula ezkerrera pista bat ateratzen da. Pista hau hartuta lehenik metro batzuk kontrako bideruntz egiten ditu baina berehala bihurgune bat egin eta Rioseta kanpamendua bere ezkerretik igarotzen du korredore aldera. Ondoren trabesia batean ezkerreruntz diagonalean abiatu ginen zelai batetik, apurka malda irabaziz korridorearen sarrera ikusi arte (45min/1h).


ERREPORTAIA:

 photo 1_zpsihyssahz.jpg

Elurraren egoera oso ona zen eta lasai lasai joanda, ordubete ingurura eta gorputzean izerdikada txiki bat bota ta gero, korridorearen sarrerarekin topo egiten dugu.

 photo 2_zpskhc0bxrh.jpg

Lehen metro hauek 45-50 gradu inguruetan mantenduko dira gutxi gora behera eta ez dute zailtasun handirik, elurraren egoera oso ona zen eta Mikel eta neu soka gab igo giñan, Zior ta Jonan bestalde, ensanblean igo ziren badazpada.

Arazotxo bakarra goitik etengabe erortzen izan genituen harri eta izotz zatiak, izan ere kordada bat geneukan goitik, baina oso motel zijoazen, luze guztiak aseguratuz ta R1ean aurrera pasatzeko eskeini ziguten.

 photo 3_zpsmlpx4ejt.jpg

Mikel, korredorearen erdikaldean aurkitzen den erresaltera heltzen.

 photo 4_zps7pcleqci.jpg

 photo 5_zpsnmcvgikd.jpg

Bigarren erresaltea, ondo tapatua zegoen eta arazo barik igaro genuen.

 photo 6_zpstn5avll8.jpg

 photo 7_zpsmqbdxuim.jpg

Korridorearen azken metroetan Mikelek atera zigun argazkia, malda azken metrotan dezente jeisten da, eta laster batean irteerako kornisaren parean aurkitzen gara.

 photo 8_zpsiasqpugw.jpg

Hemetik 5 minututan ezkerraldean aurkitzen den Pico Aguila (1.972m) tontorrera heltzen gara.

 photo 9_zps6dkasfsp.jpg

Zior eta ni tontorrean, panoramika oso ona du mendi honek, Midi, Anayet, Izas, Canal Roya, Collarada, Aspe, Picos de la garganta, etab.

 photo 10_zpsphsaiofz.jpg

Mikel tontorrean, atzean Aspeko ipar aurpegia duelarik, pasadan urtean bertatik egon giñen sasoi hauetan.

 photo 11_zpsaq5qnqdd.jpg

Iñauteriak ere heldu dira aurten Piriniotako tontorretara.

 photo 12_zpsstaopqef.jpg

JEITSIERA:

Tontorretik Riosetara edo Canal Royara itzultzeko bi aukera daude, korridorea berriz rapelatzea, bilguneak ekipatuta, lau rapeletan egiten da, edo bestela hego aurpegitik jeisten den bidezka jarraituz, geuk bigarren hau erabili genuen, izan ere bero handia iten zuen eta korridorearen goikaldeko kornisak ez zuten itxura oso onik eta horretaz aparte korridoretik gora jendea zebilen igotzen, hegoaldetik jeitsiz gero, 45 minututan kotxera helduko gara.

2017(e)ko otsaila 27, astelehena

2017_02_25-Peña Telera. Maribel korridorea (D+/MD-/350m)

Peña Telera Pirinioetan izotz korridoreak eta izotz eskalada luzeak egiteko dauden tokirik famatuenetarikoa da, horretaz aparte gehitu behar diogu lekua zoragarri polita dela. Ipar aurpegi honen zabalera handian aurkitu ahal ditugun korridore askoren artean, aipagarrienetarikoak, Gran Diagonal (AD/600m), Maria Jose Aller (550m/D+), Maribel (D+/MD-_400m), Chez Lulu (MD+/650m) eta “Senda de los cuervos” (MD+/750m) dira.

Maribel korridorea, Maria Jose Aller korridorea baino zailagoa iruditu zitzaidan, erresalte gehiago ditu, laburragoa izan arren teknika eta gehiago eskalatu beharrekoa. Ez nuke esango korridore zail bat dela, baina ez edozeinek egiteko modukoa, eta baldintzen arabera asko aldatu daitekena.

NOLA HELDU:

Panticosara heltzeko, beharrezkoa da Sabiñanigoraino heltzea, bai N-240tik edo N-330tik. Hemendik Biescaserako norabidea hartzen dugu N-260tik, Biescasera heldu arte, A-136 errepidea jarraituz Bubaleko urtegiaren parean goazenean, ezkerretarantz ateratzen den bide gurutze bat jarraitu behar dugu, 3 kilometro inguru pasa eta gero Piedrafita de Jacara heltzeko.

KORRIDOREAREN BASERA HURBILKETA:

Ibilbide errazena Piedrafita de Jacako herritik gora doan errepidea jarraitzea da, Lacuniachako parkingera heldu arte, hemen kotxea utziz (1.380m) , izan ere pistatik gora kotxearekin joatea ez dago baimenduta, eta pistatik gora antzinara doan bidea hartzea. Oso ondo markatuta dago, eta ez dauka galbiderik.

Pistatik ateratzeko marka asko aurkituko ditugu, bidea laburtzeko, eta horrela pistak ematen dituen kurba handiak laburtzeko, ibilbidearen erdian Refugio Telera edo Las Planaseko aterpea aurkituko dugu. Bidea aurrerantz jarraitzen dugu informazio kartel txiki bat aurkitu arte, gezi batekin seinalatuz ibilbidea antzinara.

Pistatik apur bat gehiago jarraitzen dugu kurba batera heldu arte, bertan ito bat aurkituko dugu, eta itoak jarraituz espoloiaren bila joango gara, ikusiko dugun lehen korridorea Diagonal handia izango da. Metro batzuk jarraitzen dugu oraindik maldan gora, ezkerretara ateratzen den kono handia ikusi arte, Maria Jose Aller da hau, Y-rantza jarraitzen dugu ezkerretara enpotratuta dagoen kaskada eta korridore bat ikusi arte.  Konoaren hasiera 2.200 bat metroko altueran egongo da eta kotxetik 2/2.5 ordu inguru eramango gaitu bertara heltzea.

FITXA TEKNIKOA:

 photo 1_zpsr9urgoin.jpg

  • Lehen igoera: J.Calvo eta J.L Lalaguna (1980ko apirila)
  • Zailtasuna: D+/MD-/350 metro/90º/M3-M4/V.
  • Materiala: Kaskoa, bi piolet, kranpoiak, arnesa, aseguratzeko ekipoa, 60 metrotako bi soka, friend eta fisurero batzuk ondo etor daitezke, 4 izotz torloju eta neguan beti laguntzen dute pare bat iltze, korridorearen baldintzak, elurra eta izotzaren arabera asko aldatu daitezke.
  • Desnibela: 1400 metro inguru ekintza guztiak; korridorea 350 metro.
  • Ibilbidea: Piedrahita de Jaca-Lacuniacha-Pista-Korredoreetara doan bidexka-Maribel korridorea-Cima Capullo-Y korredorea rapelatu-Piedrahita de Jaca.
  • Iraupena: 10 ordu ekintza guztia (4-5 ordu korredorean, dagoen jendearen arabera gehiago edo gutxiago). Korridorera hurbilketa, bi ordu inguru dira.

 photo 2_zpsvhafl7wh.jpg

Krokis honetan oso ondo azalduta datoz aurkituko ditugun zaitasun guztiak, baina graduarekin ez nator guztiz bat.

ERREPORTAIA:

03:30_ Ref.Teleran esnatzen gara, logelatik isilka atera eta sukaldera jaisten gara gosaltzera.

04:30_Lacuniachako parkingetik ateratzen gara erritmo lasaian, hotza egiten du, 0ºC, baina inbertsio termikoa dagoenez gora goazen heinean haizea beroagoa da.

07:00_Y Korridorearen basean geldialdi bat, te beroa hartzen dugu, arnesa jarri eta materiala banatzen dugu. Prestatzen gauden bitartean, behekaldean jendea hurbiltzen ikusten dugu, hain goiz esnatu izana, igoera azkar bat elur gogorretik egiteko balio izan zaigu eta korridorean lehenak sartzen izateko baita. Leku honetan motxilak utzi genituen, ondoren jeitsieran berriz hartzeko.

 photo 3_zpskjtbnqf9.jpg

 photo 4_zpseeevcjns.jpg

8:00_Lehen erresaltea, goulotte txiki bat da, bizpahiru metrotakoa, eskumarantza eramaten gaituena eta laster bilgunea aurkituko duguna, izotz kaskada handiaren azpian, geuk soka gabe igo genuen hau apur bat arintzeko eta arinago heltzeko lehen bilgunera, hiru iltzerekin osatua eta ondo triangulatuta dagoena, hementxe hasten da korridorearen benetako lehen zailtasuna.

 photo 5_zpsm1qaeo7v.jpg

 photo 6_zpsjoc5acqq.jpg

Lehen kaskada izotzez oso justu zegoenez, eskumatik dagoen diedro batetik eman genion, zuzenean bilgunetik aterata, pare bat iltze ditu eta erresaltea igaro ondoren kanpa zabal batera ateratzen gara R1era iristeko, 60m.

 photo 7_zpskugpfpkt.jpg

L2, Bilgunea dagoen diedro izoztutik, eskumarantza jo eta bide guztian erabili genuen torloju bakarra sartu ondoren, bloke batzuetara heltzen gara, mikrofriend batekin babestu eta 45 metrotan zelai bat pasa ondoren, R2-ra heltzen gara, iltze batekin eta C-0.75arekin ondo berrindartzen dena.

Hurrengo luzea bi erresalte txiki ditu, bizpahiru metrotakoak baita, 50 metro inguruko tiradarekin bloke enpotratuaren azpian dagoen bilgunera heltzen gara.

 photo 8_zps8vjbpsuf.jpg

Bloke enpotratuaren luzea, ez zitzaidan hain zaila iruditu, baita Mikeli ere, askoz gehiago kostatu zitzaigun lehen luzea, agian izotz kaskada ez zegoelako eta mixto horrek zailtasun extra bat eman zion.

 photo 9_zps13rxytir.jpg

Lekua eta bistak ikaragarriak, Midi d´Ossau

 photo 10_zpsduq1f3se.jpg

Mikel bloke enpotratuaren luzearen azken maldak bukatzen.

 photo 11_zps7ptsn5q2.jpg

Hurrengo luzea, beste diedro/bloke bat da, IV+ graduaziokoa, behin igarota 60 metrotako tirada bat eta goikaldeko kornisara heltzen gara.


 photo 12_zpspbnrz2f1.jpg

 photo 13_zpsmgujnfl7.jpg

12.15_Eguzkiaz babestu eta korrikan goaz Y-ko rapeletara, aurpegia ez erretzeko eta ahalik eta arinen jeisteko.

 photo 14_zps1dbfxqa8.jpg

JEITSIERA:

12:30_Bi rapel egin genituen, goiko bilgunetik, kobazulo handira eta kobazulo handitik 60 metrotako soka eman zuen punturaino. Hemen sokak batu genituen eta Y korridoretik behera jaitsi ginen motxila utzi genuen punturaino.

Behin behealdean, arnesa eta materiala kendu, kranpoiak eta pioletak gorde eta ur apur bat hartu eta gero pistara doan bidea hartu genuen. Hemendik kotxera erritmo lasaian joan ginen egunaz gozatuz, ordu batean kotxera heltzen gara, Y-aren rappeletatik (3 ordu inguru).

Eta pistatik behera, lasaitasunez kotxeraino, ondoren Piedrafitako parkingean leka batzuk pernilarekin jan genituen, gauzak sikatzen jarri genituen bitartean, ondoren mendian zeuden baldintzak ikusita, Jacara joan giñen Jonan eta Ziorrekin batzeko, hurrengo egunean PICO DEL AGUILA_IPAR AURPEGIA (270/AD+) egiteko.

Espero erreportaiarekin gozatu izana eta korridore hau egitera animatzen zaituztet, oso gomendagarria baita, leku ikaragarri batean, eta Piriniotako harri bitxi bat baita.

2017(e)ko otsaila 5, igandea

2016_ALPES TRIP

SARRERA:

2016ko udan, furgoneta hartu eta Mikelekin batera, Ecrins-etara joan giñan 15 egunez, ingurua ezagutzera, plan asko, aukera asko eta eguraldiak egiten uzten zigunaren arabera aukera ezberdin asko, azkenean 15 egun hauek horrela banatuta gelditu ziren, leku ikaragarriak eta oroimenean grabatuta geldituko diren opor batzuk:

 photo 0_zpslhozbl9z.jpg
Midi dÓssau mendia, Frantziako autopistatik

 photo 1_zpse01tjz3d.jpg

ECRINS:

Ailefroideko harana, Ecrinsetara baldin bagoaz, egun dezente igarotzeko leku ezin hobea da, 1500 metrotako altueran dagoen harana, camping handi batekin, eta kokaleku estrategiko bat dauka. Haran txiki bat da, oso lasaia, komertzio txikiekin eta bi eskualdeetan granitozko hormez inguratuta dagoena. 

Ailefroidek aukera asko ematen dizkigu, alde batetik boulderra egiteko aukera asko ditu, bai campingetik ondoan, edo altuerara igota. Bestalde, alpinismoa egiteko kokaleku bikaina du, bertatik hasten baitira Pelvoux, Les Bans, Sialuouze edota Pic Sans Nom-era igotzeko bidea, eta errepidea jarraituz Le Barre des Ecrins eta Glaciar Blanc-era igotzeko.

 photo 11_zpsbftobyu0.jpg

Pelvoux mendia, edo Mont Pelvoux (3.943m), Ecrins-etako tontor oso famatu bat da, Barre des Ecrins eta Meije-arekin batera. Le Barreko hego ekialdean kokaturik dago, eta proportzio handiko mendi bat da. Bere tontorrera heltzeko, bide normalena, Couloir Cooliedgetik izaten da, Sialouzeko glaziarretik gora, Pic Sans Nom eta Pelvoux artean ateratzen den korredore zabala, eta 40º-ko malda duena.

 photo 2_zpsxhy5vqle.jpg

 photo 3_zpstzq2dmrw.jpg

Le Barre des Ecrins-en aurpegi basatia

 photo 4_zpsnxahczo7.jpg

 photo 5_zpsc3jv8061.jpg

Barre des Écrins, Frantziako Alpeetako mendi bat da, 4102 metroko garaiera duena.  Massif des Écrins izeneko mendiguneko mendirik garaiena da. 4.000 metrotik gorako garaiera duen alpetar mendirik hegoalderenekoena da.

Bestalde oso gertu dago Brianconais, Lautaret edota Tete d´Aval eskalada inguruetatik, baina Ailefroiden eskalatzeko mila bide daude, luzeak, laburrak, zailak zein errazak, ekipatuak edota semi ekipatuak. Le Barre eta Pelvoux igo eta gero, atseden egun bat hartu behar izan genuen eta Ailefroideko plaketatik gora ibili giñan, taloiak oso zaustuta baina gustora ahala ere.

Pelvoux mendia Glaciar Blancketik

 photo 6_zpsrkbnlpr3.jpg

 photo 7_zpslzneh58l.jpg

Dome Neige Le Barreeko tontorretik

 photo 8_zpsbl0xmcm9.jpg

Ikaragarri polita den mendia

 photo 9_zpsghaee1vm.jpg

Col Lautaret

 photo 12_zpsgbiipohv.jpg

Ecrinsetako mendi ospetsuenetarikoa Le Barre eta Pelvoux/Ailefroiderekin batera, La Graveko herriaren gainetik gelditzen da eta bere eski pisten gainetik. La Grave eskia praktikatzen dutenentzako oso famatua da, honegaitik eta bere kokalekuagatik Oisans-etako erregina bezala ezaguna da Meije.

 photo 10_zpsssodwgqg.jpg

Pic Gaspard

 photo 13_zpsxg2rdqyi.jpg

Meije Orientaletik behera, Refuge du Aiglera bidean

 photo 14_zpsglnb66yf.jpg

Bost izarretako hotela

 photo 15_zpsxb8cgdi6.jpg

 photo 16_zps5aepyyva.jpg

 photo 18_zpscioowife.jpg

Eguraldi txarretik ihes, bailararantza, azkenean euriak eta txingorrak harrapatu zigun.

 photo 19_zps2fs9wwmi.jpg

GEORGES DU VERDON:

Alpeetan udan egin genuen oporrak bukatu ziren, bertara eguraldi txarra sartu ahala, apurka Frantziako hegoaldera mugitu behar izan giñan, eta aurretik fitxatuta geneukan leku batera joan giñan, Georges du Verdon, Frantziako Provenzan.

Georges du Verdon Frantziako Provenzan kokatuta dagoen kañoi batzuk dira, bere hormetatik ikaragarriak diren eskalada batzuk dituena, urteak aurrera joan ahala munduko eskalada leku famatuenatriko batean bilakatu da, eta bizitzan behin gutzienez eskalatu beharrekoa, geu hiru egun egon giñen bertan eta laburra iruditu zitzaigun, Alpeetara goazen hurrengo aldian edo joaterakoan edo jeisterakoan derrigorrezko geldialdia bilakatuko dena guretzat.

 photo 20_zpstalkdd6l.jpg

 photo 21_zpstizlglb0.jpg

 photo 22_zpsf9a6zi4s.jpg

 photo 23_zpsjtqy4bup.jpg

 photo 24_zpsrh3rvxvr.jpg

LES CALENQUES:

Calanquesen eskalatzen ibiltzeko “kanpamentu base” onena Cassis herria da. Herri txiki turistikoa da eta bertatik Calanqueseko ohiko lekuetara  hurbil gaitezke.

 photo 25_zpsfc3ddtwd.jpg

 photo 26_zpsex8ivatf.jpg

 photo 27_zpsqj8ncpkh.jpg

 photo 28_zpsv76pmast.jpg

RODELLAR:

Alpeetako bidaia ta gero, trallada asko generaman gorputzean, 15 egunetako bidaia egitea pentsatu genuen eta azken egunak apur bat luze egin zitzaizkigun. Hori dela eta Les Calenques-etik atera eta Catalunya aldera jeitsi giñen, bertatik lasai lasai egiteko buelta eta horrela Frantziatik genituen peaje guztiak ekiditzeko.

Rodellar, Sierra de Guarako parke naturalaren barruan dagoen herri bat da, herri honetan, kirol eskalada egiteko munduan dagoen lekurik famatuenetariko bat dago, izan ere, Rodelarreko arrokak 400 eskalada bide baino gehiago eskeintzen dizkigu 35 sektoretan banatuta. Sektore guzti hauetara heltzea oso erraza da eta aproximazio laburrarekin.

Rodellarrera joateko sasoi honena udaberria eta udazkena dira, baina hala ere, eskola hau oso ona da udan eskalatzeko baita neguan, hori bai, joaten garen sasoiaren arabera, hormen orientazioekin asko jolastu beharko dugu.

 photo 29_zpsq5mcsofa.jpg

 photo 30_zps1u1ggivh.jpg

 photo 31_zpsqxfflb5u.jpg

C'est fini

 photo 32_zpsbinhvylt.jpg

 photo 33_zpsct236mg1.jpg