2018_11_08-Peña Rueba. Sendero Limite (375m/V+)

SARRERA

Osteguneko pintxopotea Murilloko parkingean bukatzen da, oraingo honetan Madari handiaraekin, aspaldian batera eskalatu gabe ta goiz lasaia pasatzeko asmoagaz, berarentzako ezezaguna zan Peña Ruebako hormara joan giñan, aproximazioa oinez egin genuen.

Egun polita, haize goxoarekin, ez hotza ez beroa, gustora egoten zen.

Bidea gustatu zitzaigun, oso ondo txapatua, lar agian, etzana ta gradu errazakoa, baina korrika asko egiten uzten dauena.

Hiru zatitan banatuta dagoela esango nuke, alde batetik:

• Lehenego lau luzeak, tarte bertikal bat, helduleku askogaz eta bilgune oso erosoak.
• Ondoren beste sei luze, tonika antzekoa dutena, nahiko etzanak danak eta gradua baxuagoa.
• Behin ergiguneko terrazara heltzean azken horma falta da, bertatik ihes egiteko aukera existitzen da, ondotik doazen zuhaizketatik.
• Azkeneko tartea, lau luze, bertikalekoa, giro oso ona dutenak eta fisikoagoak, polita.

FITXA TEKNIKOA

Desnibela ta zailtasuna: 375 metro eta V+.

Nork zabaldua: Luis Royo eta Carlos Roy 2011an.

Materiala: 70 metrotako soka eta 22 zinta.

Hurbilketa:Geuk kotxea Murillo de Gallegon utzi genuen eta hormara  oinez hurbildu giñen, ritmo onean horman 30 minututan giñen.

Denborak: 30min aproximazioa. 3-4 ordu gutxi-gorabehera eskalada eta 45min jeitsiera

Jeitsiera: Tontorretik hitoak jarraituz, hegoaldeko ferrata jeitsiz bidexkara heldu arte.

https://txastimendiak.wordpress.com/

ERREPORTAIA

Hormara hurbiltzen, Inazio Cinto, Toño Ubieto, Lorenzo Ortas (6c), Sendero Limite (V+), Edu Roche (6b+), Directa al Mallo Mora (6b+), terceros tambien existen (V) etc...

Lehen lau luzeak, bitan enpalmatu genituen, polita, arrokaren kalitatea oso ona eta oso saneatuta dago, bilgune guztiak erosoak eta handiak.

Madari R4 bilgunera heltzen (gure bigarrena)

Goikaldeko tartea etzanagoa da, seguruak saltatuz eta zinta luzeak erabiliz korrika asko egiteko aukera ematen du, sokaren marruskadurarik jasan gabe.

Goikaldeko zatia, beste lau luze, goikaldean trabesia bat egiten du, luzeak batzeko zailagoa.

Soka gorri batean SL letrak jarrita, lau luze politak (V/V+) inguruan mugitzen direnak, bide guztiko politenak iruditu zitzaizkidan.

Goikaldean "Lorenzo Ortas" bidearekin zeharkatzen da.

Bilgunean barreak botatzen.

Luze polita, irteera atletikoagoa eta ondoren trabesia oso ona, heldulekuak non-nahi.

Tontorrean, pozik, soka batu, barrita bat ta hegoaldeko ferratarantza hurbiltzen gara.

Mallos de Aguero

Jeitsiera: Tontorretik hitoak jarraituz, hegoaldeko ferrata jeitsiz bidexkara heldu arte, lehen zatia, Mallo Mora lepora jeisteko, maroma lodia.

Ondoren sirgatxo batzuk burdinezko katea hartzeko.

Azken argiak Peña Rueban

Bertako produktuak probatzen.

Hurrengoarte

2018_11_03-Pic Estremere.Corredor Ejecutivo (200m/PD)

SARRERA:

Zubia aprobetxetan, barikuan elurte polita bota zuen Tena inguruan, ta zapatuan korredore honetara hurbildu giñan goiza pasatzeko,  asko iratzarri gabe, Portaleteko mugatik oso gertu dago oinez, korredorea erraza izan arren, lagunekin egiteko ta apur bat elurraren mundu honetan sakontzeko asko gustatu zitzaien, korredorearen irteratik tontorrera paseotxo bat, ta bertoko parajea ezin hobea, Tena bailarako 360º gradutako behatoki aparta.

ERREPORTAIA:

Kotxea Portaleteko dendatxoen aurrean dagoen parkingean utzi genuen, bertatik korridorera 20-30 minututako paseotxoa dago, Aguja del Portaleteko Arista pirenaica (V+) ta Pirineos con frontera (280m/6c) bideetara daramaten hitoak jarraituz.

Lehen zatia, ondoren eskumatara biratzen du.

Bilguneak egiten joan giñan, korridorean ez dago ezer, baia aukera asko ematen ditu.

Korridorearen azken zatia, etzana, ateratzeko bi aukera, ezkerra ta eskuma.

Ertzera ateratzen

Midi eta bere Fourche korridorea

Egun polita, eskerrikasko hirukote.

Argazki batzuk begorenak dira, eskerrikasko!

2018_11_01-Peña Rueba. Los terceros tambien existen (5b/270m)

SARRERA:

Zubi lasaia, eguraldi apur bat aldakorra, ahal izan genuen hoberen aprobetzetako jeitsi giñan Murillo de Gallegora, bertan eskalatu gabe ziren lagunei lekua erakusteko, bide erraza, oso ondo txapatua, eta arin egitekoa, hala ere tarte politak baditu, egun polita pasa genuen.

FITXA TEKNIKOA:

• Materiala: 15 zinta + bilgunerako materiala. 
• Arroka: Konglomeratu nahiko trinkoa, baina goiko luzeetan nahiko apurtute dau.
• Orientazioa: Hegoaldekoa
• Iraupena: 3h
• Zabaltzaileak: J. Benede eta L. Royo, 2005

ERREPORTAIA:

(INFOA Escalatzenkas webgunetik hartua da Linka hemen)
L1 (30 m, 9 aseguru, 4a): Ezker aldera igotzen den plaka etzana.
L2 (25 m, 6 aseguru, 3c): Aurrekoaren antzekoa.
L3 (30 m, 15 aseguru, 5b): Bideko luze bertikal bakarra. Zati hau oso ongi aseguratua dago parabolt eta arroka-zubiekin. Lehenengo sei aseguruak oso gertu daude.
L4 (25 m, 4 aseguru, II): Bilgune erosoago batetara iristeko trantsiziozko luzea.
L5 (25 m, 4 aseguru, 4a): Bilgunetik irten eta pasagunetxo bat. Gero etzan egiten da eta zailtasuna asko jaisten da.
L6 (25 m, 2 aseguru, II): Trantsiziozko luzea. Azken 15 metroak asegururik gabe.
L7 (25 m, 6 aseguru, 4a): Bilgunera iritsi baino lehen pasagunetxo bat duen plaka etzana.
L8 (30 m, 5 aseguru, 3c): Arroka trinkoz osatutako plaka etzana, baina erlaitzetan harritxintxar solte nahikorekin
L9 (25 m, 3 aseguru, II): Trantsiziozko luzea. Harritxintxar soltea. Gailurrera igo eta, oinez, lepora jaitsi.
L10 (25 m, 4 aseguru, 3c): Arroka trinkoz osatutako plaka etzana.

Material nahikorekin eta 60 metroko sokekin L1-L2, L4-L5 eta L6-L7 luzeak elkar daitezke. L8-L9 luzeak ez elkartzea aholkatzen dugu, sokaren mugimenduarekin, behekoari harritxintxar asko botatzeko aukera handiak daudelako.

Aproximazioa egiten dugun bitartean euri tantak jausten jarraitzen dute, eta hasierako ideia aldatzera behartzen gaitu.

L2an eguzkia ateratzen zaigu (lehen bi luzeak enpalmatu genituen)

Luze zailena hasteko preest (5b).

Behin sabaitxoa pasata, kanto ugari deko, hurrengo luzeen zailtasuna asko jeisten da, eta eskalada nahiko etzana bihurtzen da.

Peña Rueba (Sendero Limite, Lorenzo Ortas etab...)

Tontorretik sirga hartzen dugu, kateara heltzeko, hemendik jeitsi ta hegoaldetik datorren ferratagaz enpalmatzen dogu.

Egun polita ;)
Eskerrikasko bikote-hirukote