2018_06_16.Anso. Ezkaurre. Esminu (185m/6b)

SARRERA

Heldu zen uda eta berarekin hasi ziren lehen eskaladak Ansoko bailaran, ta bertako elurrak desagertzean, bariku batean hurbiltan naz Isabara Mikelegaz, domekan konpromisuengaitik etxean egon behar giñan ta apur bat beroaldia izan arren, hararte hurbiltan gara Bilbo aldean ematen den eguraldi txarraz ihesi, barikuan arrastiko zazpiretan poteoan gauz Isaban, furgoan afaldu ta hurrengo egunean Esminu bidera goaz, egin gabe duguna, gradu onekoa apur bat forma hartzen joateko, sei luze, nahiko ekipatuak, goiko alderako friend joko bat ondo dator.

Bidea, parajea, harriaren kalitatea eta giroa ikaragarriak, bide oso ona ta gomendagarria.

FITXA TEKNIKOA:

Anson kokatzeko mapa, "Valle de Anso.Guia de escalada en roca" liburutik hartua (saretik leku askotan ikusi dudanez jartzen dut, ondo kokatzeko). Circo Rocoso/Espolon de los pastores moduan agertzen da. Liburua Antonio Garcia Picazorena da, neuk erosia daukat eta oso ondo dago, gomendagarria da, azkeneko bideak falta dira baia oso ondo dago, historioa kontatzen du ta krokis zaharrak izan arren oso onak dira.

Krokisa:

Esminu bidearen lerroa, HokusPokus (Xabi Gaton) blogetik hartua.

• Nork ekipatua: Agustín Bárbulo, Oscar Medel eta A.García Picazo 2005ean.
• Nola heldu:Argibiletako parkingean kotxea utzi ta GRa jarraituz ertzera eramaten gaituen hitoa aurkitu arte, hemendik ertza albo batera utzi ta hitoak jarraituz balkoitxoa jarraituz Estel bidea ikusiko dugu, aurretik beste bat, ta bigarren luzeko babaresa ikusten da, bilgunea ta txapa bat.
• Zailtasuna: 6b eta 185m. (v+ oblig)
• Arroka mota: Kalitate oso ona duen kare harrria, tarte batzuetan adi ibili beharrekoa (L4-L6)
• Ekipamendua: Oso ekipatuta dagoen arren, tarte batzutarako beharrezkoak dira friend joko bat, eta zinta luzeak txapak hormatik atara ahal izateko.
• Jeitsiera: Bide guztia rapelatzeko aukera dago, bilguneak malloi edo anillekin ekipatua dago, hala ere goitik atera ezkero, gomendagarriena oinez jeistea da, ertzetik jeisteko aukera eta rapelatzeko zuhaitzak eta bilguneak.

ERREPORTAIA

GR bidea hartzen dugu, gerizpetan hito handi bat topatu arte ezkerretan ta bide normala albo batera uzten dogu ertzera eta Ezkaurreko hormara eramaten gaituena.

Estel bidea ikusten, aurretik beste bat ikusi genuen, kordinoakaz ta zubi arrokakaz.

Tozal de Espelunga eta bere Urdaburu bide potentea, ondoan Espolon solitario eta Italiano eta harago espolon Veral famatua.

Fitxatutako proiektu asko, txitxa falta zaigu oraindik, Karmele, italiano, biba fidel, urdaburu, Hipnosis, Gutz, Diedro Veral, Duendes del valle

Pilar de Anso eta Pared de las buitreras, udaberriaz gozatzen.

L1 (III+/20m): Lehen luzea erraza, L2arekin empalma daiteke, gu nahiago izan genuen sokak ondo luzatzea ta bi zatitan egitea, babaresa ondo ikusteko, friend bat hasieran, txapara heldu arte, ta goikaldea apurtuta terrazitatik bilgunera, bi parabolt ta argolla, bilgune oso erosoa.

L2 (6a+/30m): Babaresa bikaina, ondo txapatua, jarro ugari dituena ta reposo asko, bilgunera ondo heltzen da azken babaresa kanpotik eskalatuz, bilgune oso erosoa.

Mikel babaresa goikaldean dagoen bilgunean, zuhaizkaren ondoan.

Babaresa diedrotik ateratzen, arnasa hartzen.

Anso, egun ikaragarria ta leku ikaragarria.

L3 (6b/25m): Diedro/babaresa inbertitu bikaina, oso ondo txapatua, jarro ugarirekin eta enpotre onak dituena airea hartzeko, luze oso ona baita,l bilgunea erosoa kanaltxo batean. Nahiko fisikoa ta atletikoa, baia helduleku bikainekin.

Mikel bilguenan harana atzean daukala, gustora.

L4: (IV/50m), trabesia errazak terrazetatik, bilgunera heltzeko bloke handi batzuk igo beharrekoa, bilgunea kanal barruan bi parabolt, erosoa, trantzisiozko luzea.

L5: (6b/25m) Kanaltxoan sartu, pare bat iltze, oso ondo jarriak, ondoren trabesian paraboltaren bila joateko, enpotre ona eta plakatxo erraz bat bilgunera heltzeko.

L6: (V+/50m) hasierako bloke enpotratua igaro, plakatxo bat zeharkatu bonbo bat pasaz, ondoren parabolt bat urrutian ikusten dugu, txapatu ta ezkerretan goikaldean ikusten da hurrengoa, tarte polita, friend batzuekin ondo aseguratzen dena, ondoren paraboltera heltzeko, apur bat bustia, eta ondoren ertzerantza ateratzen gara bilgunea aurkitu arte ertzean bertan, luze polita, gozatzekoa.

Ezkaurreko ertzean egiten den bilgunean.

Sokak batu ta beherantza goaz, ur tragozka bat bota ta gero.

Feos pero majos ;)

Ertzetik destrepe txikitxoak egiten jeisten gara, rapelatzen jeisteko aukera ere badago.

Ertzaren ezkerraldetik jeisten den pedrera hartzen dugu bidexkara heltzeko.

Bide ikaragarri ona, expo gutxi dekona ta leku ezin hobean, gradu politarekin eta Pirinioaren bista ikaragarriakaz, %100an gomendagarria!!!!

Probatzera animatu, ez baizaituzte damutuko.

2018_05-13.Peña Rueba.Mallo Comun.Lorenzo Ortas. (365m/6c)

Maiatzeko asteburu baten miikelegaz hurbiltan naz Rigloseko aterpera domekako eguna aprobetxetako bertan, aurreko egunean euria in dauenez, Peña Ruebara hurbiltan gara, arinago joten dauela eguzkiek, bertatik falta jakun eta askotan gomendatu diguten “Lorenzo Ortas” Bidea egiteko.

Peña Ruebako hareharri konglomeratua oso modan jarri da azken urteetan ta bertako Edu Roche ta Tierra de Dragones asko gustatu eta gero, bertara hurbiltzen gara egunaz gozatzera

Bidea hiru zatitan bananduta dagoela esango nuke, lehen zatia, nahiko ona, luze onekin ta oso konpaktukin, bigarrena feixa antzeko bat igarotzen dueña eta ondoren arroka txarragoa duen beste bi tirada azken feixa batera heltzeko, hemendik beste hiru luze, azken pañokoak, oso kalitate onekoak tontorrera heltzeko.

Bidea primeran ekipatuta dago, bilgune guztiak rapelatzeko aukerarekin eta paraboltak gertu egon arren, azpitik zabaldutako bide bat izanda, eta Ruebak autobabeserako uzten duen aukerekin, ondo txapatuta dagoela esango nuke, tarte batzuetan txapak saltatzeko aukera dago, hori bai luzeak enpalmatuz gero, zinta mordoa eraman.

FITXA TEKNIKOA:

Desnibela ta zailtasuna: 365 metro eta 6c (V+oblig)

Nork zabaldua: Luis Albero, Kike Royo, Jesús Sánchez, Toño Nogués eta Antonio Antoñanzas 2014an.

Materiala: 70 metrotako soka eta 22 zinta.

Hurbilketa:Geuk kotxea Murillo de Gallegon utzi genuen eta hormara  oinez hurbildu giñen, ritmo onean horman 30 minututan giñen.

Denborak: 30min aproximazioa. 5 ordu gutxi-gorabehera eskalada eta 45min jeitsiera

Jeitsiera: Tontorretik hitoak jarraituz, hegoaldeko ferrata jeitsiz bidexkara heldu arte.

ERREPORTAIA.

-L1+L2 (6b+6a):Hasierako lehen blokea, hiru txapetan kontzentratuta dago, nahiko hotz harrapatu gintuen, ondoren asko moteltzen da ta bilgunea pasaz hormatxo bat igotzen dugu kantu onarekin bigarren bilgunera heltzeko.

-L3 (6b+): Luze nahiko teknikoa, konti handikoa  eta atseden bakoa, sekzioren bat presa txikikoa baia oso ondo babestua.

-L4 (6c): Teorian luze zailena, baina kantu gehiago dauka aurrekoa baino, apur bat desplomatua, harroka kalitate bikainekoa.

-L5 (V+) + L6 (II): Ondoren sekzio txiki bertikal bat ta bilgunera heltzen gara, hurrengoagaz enpalmatzen dana, trabesia bat matojo artean.

-L7 (6a) + L8 (6a+): Hasiera itsusia, presa apurtuarekin, ondoren hobetzen doana, ondo txapatua, bertikala eta polita luzea aurrera joan ahala. Arroka hobetzen da.

-L 9 (-): Beste trabesia matojero bat, terraza on batetik, txapak daude, hurrengo bilgunera heltzeko

-L 10 (6a): Luze polita eta oso polita, kanto ugarikoa trabesian ezkerratara panza batzuk zeharkatuz, Sendero limite bidearekin bilgunea elkarbanatzen du.

-L 11 (6b+): Ona oso ona, ikaragarria, hasiera kanto handikoa eta patio askorekin, oso txuloa, ginda jartzeko bideari.

Behin tontorrean hitoak jarraituz ferratako lehen sirga aurkitu arte, marka horiekin seinalatuta oso ondo, behin ferrata guztia jeitsiz, berriro parking orokorrera bidea jarraitu.

Orokorrean bide oso ona, gomendagarria, eguna gozatzeko, ondo babestua eta patio askorekin.