Azaroko lehen asteko eguraldi ona aprobetxau gurean, Enekogaz hurbiltan naz Ogoñora, egun oso ona atara jakun, jendez gainezka egon arren Ogoño, egun polita atera zitzaigun, haizea bare zegoen eta tenperatura ona izan genuen, Ogoñoko egun ikaragarri batekin disfrutatzeko, astea bitartean pilak ondo kargetako.
Bidea ikaragarri gustau jatan, arrokaren kalitate oso ona eta luze oso estetikoak dituena, luze bakar bat ez da txarra ta hirugarren luzearen irteera, 6C graduko sabaitxoa ta ondoren datorren diedroa asko gustau jatazan, azkeneko luzea, Kaiokumerantza nahiko batzen dela iruditu jatan, ez dait tontorrera beste bideren batetik atara giñen.
FITXA TEKNIKOA:
- Zailtasuna: 6C/175m
- Nola heldu bidearen basera: Hormara gerturatzeko Elantxobeko kanposatu ondoan parking-era iritsi beharko gara, 15 bat minutuko paseotxoa emanda, Talaia ingurura heltzen gara, ezkerretik jeisten den bidexka hartzen, korda fijotik jeitsiz, Gaviotas bidearen hasierararte, bertatik 60 metrotako rapel batean basera heltzeko edo 30mX2 eginez.
- Ekipamendua: Paraboltekin ekipatua
- Materiala: 12 expres.
Katuoinekin blogetik hartutako krokisa, milesker Pablo!
ERREPORTAIA:
Egun lasaia eta itsasoa bare-bare
Deportibako sokagaz bi rapeletan jeisten gara.
L1 /6a/30m) hiru lerro ateratzen dira, zuzen dijoana da, tarte batzuk begetazioagaz ta bilgunea zintzillik dekona, gurea zuzen doa.
L2 (6b/30m) aurrekoa baino bertikalagoa eta arrakal batetik gora dijoana erdiguneko terrazara heltzeko, bilgunea aurrez aurreko bi kimikoetan edo rapel bilgunean.
L3 (6c/40m) Kaiokume eta Amodio Konfidentziala artetik dijoan sabai diedrotik gora doa, kantu asko ematen duen luzea lehenengo bost txapetan, ondoren bigarren sekzio tekniko eta finagoa den inguru batetik igotzen doana, X estiloan eskalatzera eskatzen diguna ondoren inguru erraz batetik Kaiokumeko L1-eko zuhaitzean bilgunea egiteko.
L4 (6a+/35m) Kaiokume bidea ezkerretara doa, gu eskumatik doan diedrotxoa hartzen dugu, mugimendu eder batzuetan pitzadurak eta inguru plakadun bat ebatziz goikaldeko terrazara heltzeko.
L5 (6a+/30m) Bilgunetik zuzen dijoazen boltak jarraituz, Jai Egin/Independentzia ingurua eskumatik dijoa, Egunkari librea goikaldeko desplometik dijoa, lehen zati erraz batean (6a+/b) graduaren bueltan egongo dala, ondoren hanketako mugimendu fin batzuetan (6-7 bolta) ezkerretarantza doa, Kaiokume biderantza bilatzen.
iruzkinik ez:
Argitaratu iruzkina