2019_04_20-Urrestei hegoa. La tentación de Crispin 120m/6c (V+/A0)

Zapatuan Mikelekin Atxartera hurbiltzen naiz, aurreko egunetan euria ibili danez, Urresteiko hego horma aukeratzen dugu, haizea dabileneez beroagatik ez gara kiskalduko ta egun ona pasatzeko aukera ematen du.

Orain dala bi urte zabaldu zuten "La tentación de Crispin" bidea eskalatzeko gogoak geneukan biek eta harantza hurbildu giñen lasai-lasai.

Bideak lau luze ditu kalitate oso oneko arrokarekin eta oso ondo ekipatuta dagoena, tarte zailenak A0an pasatzeko prestatuta ditu, L2an librean pasatzeko nahiko zaila den pasarte bat deko ta goiko bonboak 6c-ko sabaitxu bat da, lau paraboltekin bistan ateratzeko oso zaila.

Bidea rapelatzeko presatuta dago eta bilgune guztiak katea eta argolarekin prestatua.

FITXA TEKNIKOA:

• Zailtasuna: 6c edo V+/A0 ematen diote batzuk. 120 metroko luzera.
• Bidea zabalduta: Pedro, Perfe eta Txema, 2016an zabaldua.
• Nola heldu bidearen basera: Atxarteko kanteratik Elosu-Urresteirantza doan bidea hartuta, lehen sektorea pasa (Hortelanos-Pitufos ingurua), hormaren erdialdean dagoena, aukera ere bada Urkiolatik aproximazioa egiteko Elosuko sektoretik diagonalen azpitik.
• Ekipamendua: Paraboltak eta bilguneak katea eta argollarekin.
• Materiala: 14 expres. 70 metrotako soka eta  bilguneetarako materiala.
• Jeitsiera: Urresteiko torreko bi luzeak bukatu ta ertzetik jarraituz edo lau rapeletan zorura, 35 metroko sokarekin.

ERREPORTAIA:

Egunon!

L1, (35m/V+): Tirada oso polita, plaka eta arrakal eta laja lateralak konbinatzen dituena, ondoren sabaitxo batera sartzeko trabesia txiki batean bilgunera heltzeko. Polita.

L2 (30m/V-A0): Hasiera plakatxo bat erraza, ondoren plaka fin fin batean sartzeko, lau bolt jarraian sekzio gogorretik pasatzeko tarte apurtu eta erraz batera bilgunera heltzeko, sabaitxo baten azpian.

L3 (30m/6a+/): Bilgunetik sabaitxoa ebaztu, kantua ugari dauka, ondoren trabesia horizontal batean sartzeko, nahiko fina, bandeja eta ur tantatxo ugarirekin. Luze polita eta estetikoa baia 6a+ baino gehiago iruditu zitzaidan.

L4 (30m/6c edo A0/V+): Bilgunetik atera bezain laster, ezkerretara trabesia txiki bat desplomean azpian sartzeko, bloke pausu bat goikaldeko laja ona hartzeko, pausu luzea ta ikusteko zaila, nahiko ostonduta dago, ondoren beste espoloi aldaketa txiki bat babaresa ikaragarri polit batean goikaldeko ertzean dagoen bilgunera ateratzeko. Blokea usaindu bez.

Rapelatzeko momentuan, R3tik badazpada trabesiararantza sokak gidatu genituen.

Azken rapela, R1etik zorura (35m).

Bide polita, arrokaren kalitatea oso ona, eta oso ondo txapatuta, gomendagarria, arina eta erosoa, rapelatzkeo aukera ta bilgune erosoak orokorrean.

2019_04_21.Atxarte. Bigarren espoloia. Woogie-Woogie (6b/60m)

Domekan Mikelekin Atxarteko espoloietara hurbiltzen naiz, lehen espoloia entrada ta Nuevatik igotzen dugu, 100 metro bi luzeetan, espoloiko lehen luzea plazaraino ta beste tirada luze bat botatzen du Mikelek gorarte (70m justutxu).

Sokak batu ta ezagun batekin aurkitzen gara, bigarren espoloiko Woogie-Woogie bidea gomendatzen digula, nondik hasten den ta bidea erakusten digu, milesker ;)

Bideak bi luze ditu kalitate oso oneko arrokarekin eta oso ondo ekipatuta dagoena.

Hala ere, friend txikiren bat beti ondo etor daiteke Atxarteko txapen arteko distantziak errazteko, goikaldeko tarte errazenean (ez dira beharrezkoak).

FITXA TEKNIKOA:

• Zailtasuna: 6b edo V/A0 ematen diote batzuk.
• Bidea zabalduta: D.Cid, Luis Mikel Montero, JC Tamayo eta Kike de Pablos 1988an.
• Nola heldu bidearen basera: Atxarteko espoloietara doan bidea hartu ta lehen espoloia eskalatzen edo ezkerretik igotzen den bidezkatik espoloiaren azpian jarri arte.
• Ekipamendua: 10mm-ko paraboltekin ekipatuta eta inox txapekin. Bilgune guztiak bi parabolten gainean montatuta argollarekin rapelatu ahal izateko.
• Materiala: 12 expres, friend ertainak/txikiak (C0.5tik 2ra) ondo etor daizteke. 70 metrotako soka eta  bilguneetarako materiala.
• Jeitsiera: Goikaldeko ertzetik beste tirada bat egiten edo R1etik kirol eskaladan bezala top ropean jeitsi berriz lehen bilgunera ta 30metrotako rapel batekin zorura.

Hokus-Pokus blogetik hartutako topoa.

ERREPORTAIA:

Urrestei eta Aurrekoatxa ingurua.

El bosque de los Inurios ezkerreko bidea (IV+/V)

Bigarren espoloia, bidea bi zuhaitzen artean dijoa, desplome azpian kokatzeko (R1 bi bolt argolla).

L1 (30m/6a)_Oso ona, pasaje txiki bat dauka erdikaldean hankak ondo mugitu beharrekoa, ondoren laja inbertitu oso polit bat eta sarrera trabesian bilgunera (apur bat pulitua bandeja).

Gozatzen

L2 (30m/6b)_Irteera oso potentea dauka, atletikoa eta fisikoa, desplomean kantu ugarirekin, romo pulituren bat desplometik ateratzeko, ondoren apur bat lasaitzen da, goikaldean beste pausutxu polit batzukien bilgunera heltzeko (bi bolt anillarekin kateagaz lotuta).

R1etik 30 metrotan zorura heltzen gara.

Atxarte eta putrea ingurua kontrolatzen.

Oso gomendagarria, apur bat pulituta dago baia kantu asko dauka, asko gustatu zitzaigun.

Hurrengoarte!!

2019_04_13.Egino. Elmer (V/220m)

SARRERA

Asteburua etxetik pasatzea toketan zan ya, hainbeste asteburu kanpora ateratzen ibili ta gero, zapatuan Madarigaz gelditu nintzan bientzako erdibidean gelditan dan bide erraz hau eskalatzeko ta ondoren bazkaltzera joatea ta munduaz berba egiteko ajaja.

Bidea, Eginon aurki ahal diren guztien antzekoa, nahiko begetazioa izan arren lehen luzeak ondorengo hiru luzeak gustatu zitzaizkidan, goikaldean kanpa handia pasa ta beste luze bat goikaldera ateratzeko, erosoa eta arina.

FITXA TEKNIKOA

Materiala: 12 zinta + bilgunetarako materiala.
Arroka: Kareharria
Orientazioa: Hegoa
Garaia: Urte osoa (arrokari lehortzeko denbora ematen baldin badiogu).
Ekipatzailea: Antxon Gorrotxategi eta konpañia.

L1 (45m, 4c). Lurrez jantzitako kanala. Ondoren hormatxo bat. Gero plaka etzanagoetatik jarraitzen du luzeak bilguneraino. Hasierako kanalaren amaieran eskuineko parabol lerroa jarraitu behar da. Ezkerrean ikusten direnak beste bide batenak dira. 

L2 (40m, 5b). Bilgunetik irten eta lehenengo asegurura iristeko plaka oso etzan batetatik (zati erraza) 15 metro inguru igo. Plaka bertikal bat hasieran nahiko zimurtsua, ur-tantekin osatutakoa. Jarraian beste plaka bat aurrekoa baino bertikalagoa. Ongi babestutako pasabide fin bat bilgunera iritsi baino lehen. 

L3 (40m, 5a). Arroka delikatua lehenengo 4 metrotan, lehengo aseguru punturaino iritsi arte. Ondoren luzeko pasagune gogorrena duen hormatxo bat. Euste-leku ugariak dituen plaka bertikal batetik jarraitzen du. Bederatzi eta hamargarren aseguruen arteko distantzia apur bat luzea. Zatia erraza da, baina ongi etor lezake friend ertain edo zinta bat. 

L4 (30m, 4c). Bilgunetik irten eta oinez 15 metro inguru egin hurrengo plakaren oinarrira iristeko. Hormaren azpian bilgune berri bat egin daiteke (zuhaitz bat dago zinta batekin). Luzea plaka etzan batzuekin hasten da. Gero horma bertikal bat, baina euste-leku ugariekin. Lehenengo asegurua 5 metro ingurura, baina zatia arroka-zubi edo friend batekin babesteko aukera dago. 

Bilgunetik eskuin aldera 80-100 metro oinez egin bi enbor dituen haritz batetaraino. Bere oinarritik bi parabolt lerro ikusten dira. Gurea eskuinekoa da. 

L5 (60m, 4c). Goiko aldean semiekipatuta dagoen luzea. Lehenengo asegurua urruti, baina zatia erraz babes daiteke arroka-zubi edo friend batekin. Euste-leku oneko plaka bertikal batetik jarraitzen du luzeak. Seigarren eta zazpigarren aseguruen artean ekipatu gabeko 15-20 metro daude, baina friend-ekin, fisureroekin edo arroka-zubiren batekin babesteko nahiko aukerak daude.

2018_07_12-Eguzkiarre. La de todos (6b+/150m)

SARRERA:

Lanetik korrika atera ta Mikelegaz Atxartera hurbiltzen gara La de Todos bide klasiko eta polita egitera. Hormako bide ezagunetarikoa, oso ondo ekipatuta dagoena ta lau luzetan ebazten dena.

Lau luze ditu kalitate oso oneko arrokarekin eta oso ondo ekipatuta dagoena.

Hala ere, friend txikiren bat beti ondo etor daiteke Atxarteko txapen arteko distantziak errazteko.

Eguraldi oso ona, apur bat haizea baina eguzkiarekin, arrasti ona pasatzeko modu oso ona, gero eskalatzeko gogo gehiagorekin geldituz gero, Eguzkiarren kirol eskalada egiteko aukera ere badago, bertako Filibusteros, Fisura Blanca, La de Todos, hauek luzeetako bideak, edo Julai de plastilina etab kirol eskaladako luzeak.

FITXA TEKNIKOA:

• Zailtasuna: 6b+/6c edo V/A0 ematen diote batzuk, beste batzuk 6a gradua ematen diote.
• Bidea zabalduta: J.M Régil eta M. Martínez  1960 urtean beste askorekin batera, hortik bere izena "la de todos-denena".
• Nola heldu bidearen basera: Atxarteko kanteretako instalazioak dauden parking-ean aparkatu eta eskilarak igoz, harrobirantza jarraituz, ezkerretik igotzen den bidezka jarraitu hito batzuk jarraituz, puntu batean langa eta hesi bat dago, ezkerretik dijoan bidezka bat jarraituz Eguzkiarreko hormaren basera heltzen gara.
• Ekipamendua: 10mm-ko paraboltekin ekipatuta eta inox txapekin. Pitoiren bat eta kordinoren bat ere badago. Bilgune guztiak bi parabolten gainean montatuta edo bi kimikoen gainean , rapelatu ahal izateko.
• Materiala: 12 expres, friend ertainak/txikiak (C0.5tik 2ra) ondo etor daizteke.. 70 metrotako soka eta  bilguneetarako materiala.
• Jeitsiera: Goiko bilgunetik trabesia erraz bat egin ta eskumatara dagoen instalaziotik zorura (25 metrotako rapela), trabesia pare bat boltekin babestuta dago.

Txastimendiak orrialdetik hartutako krokisa.

Labargorriko horma

L1 (6a/40m): Diagonalean hasten gara, beta oso karakteristiko baten bila, zuzenean igotzen dena, plakak bandeja eta laja ugarirekin, goikaldean diedrotxo bat deko sabai baten azpira heltzeko. Polita eta fisikoa/atletikoa.

L2 (V/30m): Irteera plakatxoan ondoren kallejoi entubatu batean sartzeko, pare bat zuhaitz dituena, ondoren tronotxo batera heltzeko luze zailaren azpian.



Astxiki eta Alluitzeko espoloiak arrastiko azken argiekaz.



L3 (6b+ edo V/A0_30m): Irteera nahiko potentea, arroka txulo laranja, nahiko deportiberoa eta oso ondo txapatuta, ondoren beste trono aereo batera heltzeko.

L4 (6a/35m): Hasiera tximina nahiko pulitu batean hasten da, apur bat desplomatua eta oso labainkorra, behin igarota, espoloia aldatzen dugu ta tartekako pausuak egiten goikaldean dauden zuhaitzetara heltzen gara, bertan bilgunea.

Hemendik trabesia erraz bat, boltekin txapatuta bilgunera heltzeko, hemendik zorura (25m inguru)

Kotxera azken argiekaz heltzen gara.

Haraneko klasiko polit bat eginda, oso ona, nahiko pulituta egon arren goiko luzeak giro oso ona daukate eta patio asko hartzen dute, arrokaren kalitatea eta oso ondo txapatuta dago, gomendagarria!