SARRERA:
Mikelekin astetxo bat jeisten naiz Rigloseko aterpera bertatik Azaroako
azken egunak aprobetxatzeko, oraindik udazken/negu tropikal honen azken egun
beroetaz gozatzeko.
Ostegun arrasti baten heltzen gara, eta Moskitos bidea eskalatu
ondoren, bariku arrasteian Sergio batzen zaigu, zapatuan Tierra de dragones
(400m/6b) eskalatzen dugu Peña Rueban eta domekan Irene y la Paz bidea
eskalatzen zaiatzen gara, baia Sergiori sorbalda ateratzen zaio eta hormatik
rapelatzen ihes egin behar dugu, eta Sergiori agur esan behar diogu. Asteburuko
jendetxa ihes egiten du Riglosetik domekan eta astelehenean zerbait lasaia
egitea pentsetan dogu, baina azkenean Ruebara bueltatzen gara, Mallo La Morako
Edu Roche bidea eskalatzeko (225m/6b+).
Riglosetik ondo gosaldu eta gero, Murillo de Gallegorantza ateratzen
gara kotxean. Rigloseko liburuko parkingera heltzeko planoa jarraitu eta gero
Mallo La Morako parkingean kotxea usten dugu eta Edu Roche biderantza goaz.
Oso itxura ona daukan bidea, eta bide hau aukeratzean ondo egin genuen,
bide oso polita, eguzkitan dagoena, oso ondo ekipatuta eta arrokaren kalitate
oso onarekin. Luzeak beraien artean lotzeko aukera oso onekin eta bereiziki polita
azken aurreko luzea, giro handiarekin eta kantu onekin eta sabai erortze polit
batekin.
FITXA TEKNIKOA:
Desnibela eta zailtasuna: 220 m, 6b+ (V+ oblig.)
Ekipatzaileak: Julio Benedé eta Luis Royo 2007an.
Materiala: 60 metrotako soka bikotzak eta
18 zinta expres (luze batzuk batu genituen eta 18rekin nahikoa izan
genuen).
Hurbilketa: Peña Ruebako hego aurpegira joateko pista
gaur egun egoera oso onean aurkitzen da, eta ez ditu inolako arazorik
suposatzen kotxearekin bertaraino joateko. Murillo de Gallegoko parkin gunetik
pista bat jarraitzen dogu eta ur depositu batzuk ezkerretan utzi eta gero,
parkingera heltzen gara. Eskalada bideen hasiera ondo antzematen da bertatik
eta bidera heltzeko bidezidor bat jarraituz inolako arazorik gabe.
Denbora: 20 minutu hurbiltzeko. 4 ordu terdi
eskalatzeko eta 30 minutu jeisteko.
Nola jeitsi: La Morako tontorretik lepo batera jeisten
gara, eta bertan dagoen soka finkoa jarraitzen dugu. Begetazioaren artean doan
linea jarraituz gero heltzen gara jeitsierako ferratara. Hala ere bidea
rapelgarria ere bada.
(Todoescalada)
BIDEAREN DESKRIBAPENA:
(Iturria: Txastimendiak)
L1+L2 (6a+/40m): Lehen bi luzeak batzen ditugu, oso tirada
bertikala geldituz, arroka finarekin eta itsagarritasuneko pausu politak, kantu
onekin, oso ondo txapatuta.
L3+L4 (IV+/40m): Ondorengo bi luzeak ere batzen ditugu, IV+ko
plaka etzanak, aurrean daukagun hormaraino heltzeko balio diguna. Trantsizioko
bi luze dira.
L5 (V+/30m): Plakadun luzea duen luzea, apur bat erortzen
dena, itsasgarritasuna eta plaka. Luze oso polita eta uste baino gehiago
apretatu beharrekoa.
L6 (6a/20m): Blokedun irtera duen luzea, ondoren gozatzeko
luze oso polita.
L7 (V+/30m): Luze oso polita, giro politarekin, erdiguneko
tartea apur bat errazagoa, erortzea duen sabaira eramaten gaituena, bilgunea
arrakalan dago.
L8 (6b+/30m): Hasiera oso polita, arrakala jarraitzen
duena, kantu onekin eta giro ezin hobea, oso ondo txapatuta, goikaldean dauka
pausu klabea, blokedun pausu bat, baina eraztun batzuk daude bertan txapaje
psikologiko bat egiteko, pila bat gustatu zitzaidan luzea.
L9 (V-/30m): Arroka oso ona duen azken luzea, pena bidea
bukatzea. Luze honek ez dauka zailtasun handirik, bilgune eroso batera erosten
da, eguneko azken argiekin gozatzen uzten diguna, bertatik sirga jarraituz
ferratatik parkingera jeisteko.
ERREPORTAIA:
Asteburuan zehar ateratako argazkia, ilargia Peña Rueba gainean
R2tik ateratako argazkia, Mikel R4ra heltzen.
Mobila bakarrik eraman genuen eta argazki gutxi atara genituen, hasieran ta bukaeran batzuk.
Mikel Mallo La Morako tontorrean, eguzkiaren azken argiak aprobetzatuz.
Ni neu, tontorrean, hemendik beherantza ferratatik.
Biak tontorrean pozik
Bide oso gomendagarria benetan, animatu probatzera merezi
duela. Hurrengoarte
iruzkinik ez:
Argitaratu iruzkina