2015_12_24-Astxikiko lehen espoloia, Diedro Olvidado (6a) + La nueva (V+) (100m)

Eguberri eguna zen, eta gauean jan behar genuen janari guztiari leku bat egiteko, goizeko 10tan Atxarteko goiko parkingean gelditzen naiz Mikel ta Oierrekin, bertan, eskalatzaile bat zegoen, bere kidea bakarrik utzi zuela eta gurekin animatu zen.

Mikelekin joan zen "logika" bidea egitera, eta neu Oierrekin, Diedro olvidado eta "La nueva" bideak lotu genuen lehen espoloiko goikaldera ateratzeko.

HEMEN espoloietan kirol eskalada egiten ibili garen egun bateko erreportaia.

Eta HEMEN lehen espoloia eskalatu genuenekoa, Naufragos + Kike bidetik

Todoescalada webgunetik ateratako informazioa eta krokisa (Webgunea HEMEN)

Goiko parkingean kotxea utzi eta gero, gauzak jarri eta Alluitzera doan bidea hartu genuen, basoan sartu bezain pronto, ezkerretara dijoan bidea hartu genuen, espoloietarako zentzuan. Aukeratutako bidea, Diedro olvidado + La Nueva, nola ez, Atxarteko bide klasikoenetarikoa. Ez neukan inoiz eginda eta uste nuen pulituagoa egongo zela, baina asko gustatu zitzaidan "La Nueva"-ko arrokaren kalitatea, zegoen haize boladaz egon ezinaz aparte, asko disfrutatu nuen.

Espoloietako bide guztiak oso ondo ekipatuta daude, bai kimikoekin edo bai paraboltekin, hori bai zailtasuna jeisten den puntuetan, txapen arteko distantzia handiagotzen da dezente.

Diedro olvidado (6a/30m): Oso bide polita, disfrutatzekoa. Oso ondo txapatuta dagoela uste dut, eta ekipazio oso berriarekin, goikaldean pausutxu bat dauka baina hankak ondo mugituz gero inongo arazorik gabe ateratzen da.

La Nueva (V+/60m): Klasiko bat eta oso errepikatua dagoena, gainera tontorra egiteko bide errazena da. R1 bilgunetik zuzenean jarraitu R2 heldu arte, oso argia.  Pausu aereo bat gero tximenea antzeko batetik jarraitu ahal izateko eta goian dagoen bilgunera heltzen gara.

Diedro olvidado (6a)tik atera bezain pronto, Oier aseguratzen nuen bitartean ateratako selfia, zelako haizea eta hotza, baina oso gustora.

Oier azken luzeko azken metroetan

Lehen espoloietik jeisten

Gurekin etorri zen mutikoa, ez nintzen izenarekin gelditu, Espoloi ahaztura eraman zigun, eta bertan berak ekipatutako bide berri bat erakutsi zigun, eta estreinatzen utzi zigun, 6a graduaren inguran ibiliko da eta eskumarago zabaldu duten bide berri bat, arrakal oso polit batetik dijoan, 6a+/b inguruan ibiliko dena.

Lehenengoa, Albert eta Kittoren ezkerrean geldituko litzateke.

Bestea, Mendiko etxearen eskuman dagoen retrankeoan dago.

Sektore horren informazioa HEMEN 

Eguzkia atera zan eta haizea apur bat baretu ondoren, kirol eskaladari ematen eta bide berri hauek probatzen

Gosea eginda, etxera ;) Eguberri on!!!

2015_12_19-Neguko bidea (6b/165m) Bi Ahizpe (Irurtzun)

INFORMAZIOA

Aurretik egonda nintzen Bi Ahizpetan eta asko gustatu zitzaidan, egon nintzenean Gora gu ta gutarrak bidea egin nuen eta hormatxar hauek asko gustatu zitzaidan.  Joseba Arlegi eta Ion Gonzalezek orain dela 4 urte zabaldutako bidea, Irurtzuneko ahizpa handian semi ekipatuta zegoen Neguko bidea (6b/165m) egitea adostu nuen Julen eta Mikelekin negu tropikal hau aprobetxatzeko.

Bi ahizpetako hego horma ikusten genuen bitartean, begetazio eta zuhaitz asko ikusten ziren bidea zijoan trazatik, baina eskaltzen genuen bitartean, aitortu behar dut sorpresa atsegin bat eraman nuela, plaka oso politak, ekipatuta soilik beharrezkoa zen luzeetan eta linea oso polita marraztuta.

Bost luze dekon bide bat da, azken luze bat trepadak direna. Bilguneak ekipatuta, eta beharrezkoak diren pausu zailak bizpahiru paraboltekin ekipatua, beste guztia friend eta fisureroen bitartez babestu beharrekoa. Arroka oso ona da eta arrakal eta zubi arroka mordoa daude luzeetan zehar, oso ondo babeste uzten duena. Azkenean bost luze horiek laburrak gelditu zitzaizkigun eta oso zapore onarekin itzuli giñen.

Bide gomendagarria, plakak, fisurak eta laja asko dekona....joan ta probatu ;)

FITXA TEKNIKOA:

• Zailtasuna: 6b (V+ oblig.)/165m
• Bidea zabalduta: Ion Gonzalez eta Joseba Arlegi (2011ko urria)
• Nola heldu bidearen basera: Kotxea barrera ondoan dagoen parkingean aparkatu, eta zubirantza segi, hau pasa eta Caballe bidera dijoan bidea eskumatara utzi, eta hito batzuk jarraituz, marka gorri batzuk daude. Karnaza bidea pasa eta bi txorreren ondoan hasten da. Parabolt bat dauka eta bidearen izena margotuta dago horman.
• Ekipamendua: 10mm-ko paraboltekin ekipatuta eta inox txapekin. Pitoiren bat eta kordinoren bat ere badago. Bilgune guztiak bi parabolten gainean montatuta eta txapak anillarekin rapelatu ahal izateko. Azken bilgunea izan ezik, zubi batean egiten dela bilgunea, guk R5ean sokak batu genituen, izan ere goiko ertzera heltzeko bidea oso erraza da eta laburra.
• Materiala: 8 expres, friend joko bat (C0.4tik 2ra),C3a ere luze batzuetan ondo etor daiteke. Fisureroak eraman genituen baia ia ez genituen erabili. 70 metrotako bi soka eta  bilguneetarako materiala.
• Jeitsiera: Bide normaletik ibiltzen, destrepe batzuk egin eta lehen rapeletik beheko basera, hemen beste rapel instalazio bat dago, kontuz soka botatzerakoan, zuhaitzetan gelditzen baita erraz, zorura. Jeitsiera arina bidezkatik eta hemetik aurretik igarotako zubira ateratzen gara.

LUZEEN DESKRIBAPENA:

·         L1 (V+/28m): Horma bertikal batean hasten da. Lehen parabolta 7 metrotara deko, baina distantzia hori aseguratzeko ondo dago. Gero arrakal batetik jarraitzen du ezkerreko joerarekin. Zuhaitz siku batean kordino bat dago, eta hau igaro ondoren bilgunera heltzen gara, plaka fin bat pasa eta gero, parabolt batez babestua.

·         L2 (V/25m): Inongo ekipamendurik ez duen luze bat, neuk zabaldu nuena, oso ondo egiten da, arrakal asko ditu friendekin ondo babesteko, kontuz soken irristadurekin, zinta luzeak erabiltzea gomeni da. Bilgunetik arroka zubi bat ikusten da, eta dena trabesia horizontalean, eskuentzako laja onak dituena. Bilgunea baino 3 metro arinago, pausutxu bat dago, zer pentsa emango diguna, baina ondo babesten da.

·         L3 (6b/22m): Bide guztiko luze politena iruditu zitzaidan, kañeritoa!!! 6a inguruko plaka oso ondo babestu batean hasten da. Aurretik iltze zahar bat eta zubi arroka bat daukagu. Paraboltak pasa ta gero, plakatik ateratzen gara ta erdi ilargi itxurako laja bat daukagu, (C0.75 berdea primeran sartzen da), plaka fin fin baten gainean jartzeko, parabolt batekin eta hemetik buzoi handi batera eskua jaurtiz bilgunera ateratzeko.

·         L4 (V+/35m): Ezkerretara dijoan beste trabesia bat, begetazio asko dauka tarte batzuetan. Eskuman dagoen sabai horitik ihes egiten, diagonalean jarraitzen dugu ondo babesten den inguru batetik. Luzearen azken 10 metroak plakatxo bat parabolt batekin ondo babestua eta gero arrakal bat babestu ta gero bilgunera ateratzeko.

·         L5 (6b/35m): Hasiera kañeroa, posizioa hartu beharrekoa, ondo babestua bi boltekin eta goikaldean buitrera bat friend edo fisu batekin babestu ondoren, luzeak gradua galtzen du azkeneko plaka fin batean sartu arte, bi boltekin ere bai babestuta, bilgunera heltzeko. Luze polita baita.

·         L6 (II+/20m): Tontorreko ertzera heltzeko luzea, oso erraza, bilgunea zuhaitz batean, guk R5an sokak batu genituen.

ERREPORTAIA:

Julenekin gelditzen naiz Galdakaon eta Gasteizerantza goaz bertan Mikel jasotzeko, Iruñara doan autobiatik, Egino, Ziordia, Uharteko Aiztondo hormak igarotzen ditugu plan berriak propasatzen ditugun heinean.

Bi Ahizpak parkingetik, gaurkoan ezkerrekoa eskalatu behar dugu bere hego aurpegitik

Lehen luzea, parabolta 7 metrotara dago, baina fisurero batekin ondo babestu genuen.

Irurtzungo herria hormatik ikusita

Julen R1era heltzen

Mikel R2ra heltzen

L3ko plaka ikaragarria duen luzea

R4ko bilgunea

Julen R4ra iristen, totem berria ikusten da argazkian, asko gustatu zitzaigun zelan egiten duen lan eta erabiltzeko erosotasuna.

Mikel L5a hasteko zorian, lehenengo metroak 6b gradua ematen diotenak dira, bi paraboltekin ondo babestuta eta ondoren, arrakal batera heltzen gara, C4-1 gorria oso ondo sartzen dena, pausu honen ondoren gradua asko jeisten da.

Julen 6b-ko pausuan, oso fuerte, rokodromoko orduak nabaritzen dira.

Altuera irabazten goaz, bi ahizpetan, komunikatzeko arazoak, kotxeen zarata dela eta.

R5era heldu baino lehen dagoen 6a-ko plakatxoan, paraboltakin babestua.

Ertzera atera bezain laster, parkingean Caballe bidea egin behar zuten mutilekin aurkitzen gara, beraiek rapeletara doazte.

Argazkia tontorrean, ona ekipo ona!

Jeitsierako rapela egin eta gero

Jeisten, eskuman igotako hormaren azken zatia ikusten da

Zubia igaro eta gero, kotxean atoan gauz

Erreka, udan egon giñenean baino ona eman genuen bertan, baina orain, abendu tropikal honetan egonda ere, hotza egiten du holako bainu bat hartzeko.

Parkingean, bakoitzaren gauzak banatzen eta gordetzen, zerbait jaten genuen bitartean.

Eta nola ez, etxera bueltatu baino lehen, Irurtzungo Amaia tabernan solomo eta bacon bokata on bat jan genuen garagardo baten laguntzaz etxerako bidea poztasun handiagoarekin egiteko.

Hauxe da dena, gomendagarria, animatu eta probatu ;)

2015_12_01-Mallo Frechin, Currucuclillo (6a+/230m) (Riglos)

Mikelek azaroako azken astean oporrak hartzen ditu, eta neure astelehen librea aprobetxatuz, 6 egun pasatzeko aukera ikusten dugu Riglosen, gehiago pentsatu gabe, ostegun arratsaldean Gasteizen batzen gara, eta Eroskian janari asko erosi ondoren, lasai lasai hartzen dugu Rigloserantzako bidea, aterpean hartuta genituen bi ohe, han geunden bitartean lo egiteko. 

Ideia nahiko argia zen, Pirinioan eman behar zuten eguralditik ihes egin eta Rigloseko horma beroetan ahal zen guztia eskalatzea. Bariku gauean Sergio batzen zitzaigun gurekin aste burua pasatzeko asmoarekin.

Eta nola ez, bide batzuk erabakita, baina besteak, eskalatu osteko garagardoa hartzen genuen bitartean, Rigloseko hormatzarrak ikusten genituen bitartean, eskalada gidarekin batera erabakitzea zen asmoa.

Riglos inguruan geunden 5 eguna zen, aurretik egindakoa:

·        Mosquitos(6b/250m)_Erreportaia HEMEN

·        Tierra de dragones (6b/400m) HEMEN

·        Ireney la paz (6c/230m), bide honetan Sergiori sorbalda atera eta etxera joan behar izan zen, bidea bukatu gabe gelditu zan, bukatzera bueltauko gara ;) 2016an egin nuen Mikelekin.

·        EduRoche (6b+/225m)

Trallada asko geneukan besoetan, eta azken eguna aprobetxatzeko, gertu zegoen Currucuclillo bidea aukeratu genuen, uste genuena baino gehiago sufritu genuen eta ondo ikasi genuen Riglos 2-3 egunetarako dela gehienez jajaj.

CURRUCUCLILLO BIDEA

http://www.xabigaton.blogspot.com blogetik ateratako krokisa

Fitxa teknikoa:

·        Zailtasuna: 6a+

·        Luzera: 230 metro

·        Ekipamendua: Paraboltak. Bilguneak paraboltekin eta rapelatzeko argollekin.

·        Materiala: 12 zinta expres eta bilguneetarako materiala. Guk soka bikoitzak eraman genituen baina aukera dago ere soka sinplearekin egiteko.

·        Sasoia: Edozein

·        Jeitsiera: Behin goikaldean dagoen tontorrean, jarri berri dagoen sirga jarraitu Viserako tontorrera heldu arte, bi aukera daude, edo Mallo del Aguatik jeisten den bidetik jeistea edo Circo de Veranotik jeistea.

·        Nola heldu hormara: Kotxea Riglosen uzten dugu eta Visera dijoan bidezka hartzen dugu eliza pasa ondoren, Viserara joan beharrean ezkerrera, Frechin malloko norabidean, oso zapalduta daude bide asko.

BIDEAREN DESKRIBAPENA:

Graduari dagokionaz, jarraitasun handia duen bide bat da, Riglos izateko. 9 luze ditu. Lehengo bi luzeak (L1+L2) luze bakar batean egin daitezke. Luze guztiak tonika berdina jarraitzen dute oro har, nahiko bertikala, eta oso estatikoa izan daiteken pausuren bat edo tripa txikiren bat. 

Oso ondo ekipatuta dago, eta bilguneak orokorrean oso erosoak dira. Kolore berdinak dituen paraboltak jarraitu behar dira, izan ere, Jose Antonio Sanz bidearen ondotik dijoa momentu batzuetan.

·        L1 (6a+/30m): Jose Antonio Sanz-en ezkerrean gelditzen da, lehen parabolta, apur bat urrutik dago, 6 metrotara, baina hara heldu arte oso erraza da, hori bai, txapatu baino lehen, kontuz euki arrokarekin, apurtuta dagoela, bilgunera heldu baino lehen daukagu luze honen pausu zailena.

·        L2 (6a/25m): Bilgunetik zuzenean ateratzen gara, eskumaldera joateko joerarekin. Hemen paraboltak ikusten ez dugun puntu batera helduko gara, eta gero ezkerrean txapa bat ikusiko dugu tripatxo bat pasa eta gero. Ondoren berriro eskumara dijoa bigarren bilgunera sartzeko.

·        L3 (6a+/25m): Luzearen erdialdean, tripatxo bat aurkituko dugu, desplomatzen duena, baina paraboltak gertu ditu eta inongo arazo gabe igarotzen da. Oso ondo dago txapatuta luze hau eta oso polita iruditu zitzaidan.

·        L4(V-6a/30m): Lehen pausua oso arraroa, repisa batekin, baina txapatik tiratuz gero, oso ondo ateratzen da. Gero trabesia oso polit bat dauka. Ondoren zuzen jarraitzeko, pausu oso polit batzuk ditu bilgunera heldu arte.

·        L5 (6a+/20m): Lehen hiru txapak ondo, presa onak ditu, ondoren eskumara doa, bilgunera zuzenean. Laburra baina polita.

·        L6 (6a/30m): Oso polita, boloren baten arroka zubiren bat dago txapen arteko distantzia murrizteko, bide erreza jarraitu behar da.

·        L7 (6a/12m):Laburra baina gogorra, bertikala da repisa baten gainean.

·        L8 (6a+/35m): Bide guztiaren luze garrantzitsuena iruditu zitzaidan, gogorra, eta eskalatutakoa nabaritzen da. Desplome batekin hasten da, ondo txapatuta dagoena. Pare bat tripa ditu, eta kriston patioa dauka, bide guztiko arroka onena aurkitzen da luze honetan. Ikaragarria ;)

·        L9 (IV/10m): Egin beharreko luzea, baina tontorrera heltzeko, txapa bat ikusten da bilgunetik eskumara, gero beste bat dauka goian dagoen bilgunera heldu arte.

ERREPORTAIA:

Eliza eta Pison famatua

Rigloseko herria

Gure aurretik Pau ondoko bi frantzes genituen, lehen bilgunetik ateratako argazkiak dira hauek (Milesker Christophe ;)

Mikel, trabesia horizontal batean

Cuchillo, Pison eta atzean Peña Rueba

Pozik Frechineko tontorrean

   

Jeisteko Colorado eta Mallo del Aguatik jeisten den bidea hartu genuen, gosea geneukan eta hau da Circo de Veranotik jeistea baino arinagoa. Behin behekaldean egonda, ataratako argazkiak.

Mallo Cuchilo, Frechin eta La Visera, bertan daude, Mosquitos, La fiesta del biceps, Popeye, Zuzen, Chinatown, Zulu Demente eta bide famatu gehiago, Riglosen gehien eskalatzen den Malloa dela esango nuke, baina oso fuerte egon behar da goikaldean daukan desplome hori guztia igotzeko, hortik bere izena, La  Visera.

Hauxe da dena, zerbait, jan, gauzak batu eta etxerako bidea hartu genuen.

2015_10_10-La Visera "Mosquitos" (6b/240m) (RIGLOS)

Mikelek azaroako azken astean oporrak hartzen ditu, eta neure astelehen librea aprobetxatuz, 6 egun pasatzeko aukera ikusten dugu Riglosen, gehiago pentsatu gabe, ostegun arratsaldean Gasteizen batzen gara, eta Eroskian janari asko erosi ondoren, lasai lasai hartzen dugu Rigloserantzako bidea, aterpean hartuta genituen bi ohe, han geunden bitartean lo egiteko. 

Ideia nahiko argia zen, Pirinioan eman behar zuten eguralditik ihes egin eta Rigloseko horma beroetan ahal zen guztia eskalatzea. Bariku gauean Sergio batzen zitzaigun gurekin aste burua pasatzeko asmoarekin.

Eta nola ez, bide batzuk erabakita, baina besteak, eskalatu osteko garagardoa hartzen genuen bitartean, Rigloseko hormatzarrak ikusten genituen bitartean, eskalada gidarekin batera erabakitzea zen asmoa.

LA VISERA

Visera Rigloseko herritik ikusita, Mallo nagusietarikoa da, eskumaratago dagoena, eta bere izena, goikaldean duen tarte desplomatuak ematen dio. Horma honetako bide errezena Mosquitos famatua da, horretaz apate, bide oso ezagunak daude. La fiesta del biceps, Chinatown, Popeye, Zulu Demente, Zuzen,  Pekintown, Naturaleza salvaje etab.

Moskitos bidea, La Visera igotzn duen bide errezena da, fisura eta diedroak jarratuz, La Viserak "El Trono"-ra heltzen da, balkoitzo hau, hormaren erdialdean dago. Bidea ez bada jarraitu nahi edo hormatik eskapatzeko oso erabilia da, rapel batzuk eginez lateraletik eskapatu daiteke edo aseguratuta rapelatu, apur bat ikaragarria baita.

MOSQUITOS BIDEA

·         Zailtasuna: 6b

·         Luzera: 240 metro

·         Ekipamendua: Paraboltak. Bilguneak paraboltekin eta rapelatzeko argollekin.

·         Materiala: 12 zinta expres eta bilguneetarako materiala. Guk soka bikoitzak eraman genituen baina aukera dago ere soka sinplearekin egiteko.

·         Jeitsiera: Behin goikaldean, bi aukera daude, edo Mallo del Aguatik jeisten den bidetik jeistea edo Circo de Veranotik jeistea.

·         Nola heldu hormara: Kotxea Riglosen uzten dugu eta Visera dijoan bidezka hartzen dugu eliza pasa ondoren, Viserako, oso zapalduta daude bide asko.

"El tumbarral de avigamo films"-blogetik ataratako krokisa, lan ona ;)

BIDEAREN DESKRIBAPENA:

·         L1 (V+/40m): Diedroak hasten diren tokian hasten da lehen luzea, ezkerrean dagoena Fiesta del Biceps bidearena da, gure bidea, eskumatarago dagoena da. Bidea arroka zubiaren azpian hasten da. Eskalatzen hasi eta diedroa jarraituz, bilgunea aurkitu arte.

·         L2(6a/25m): Diedroa jarraituz, oso ondo jarraitzen da, 20 metro eskalatu ondoren, eskumatara trabesia txiki bat egin behar da, txapa zuriak jarraituz. Bestela Directa bidean sartzen gara, kontuz ibili.

·         L3 (IV/30m): Beste diedro bat da, besteak baino askoz errazagoa, 20 metro ondoren, bilgunea aurkitzen dugu baina komenigarria da jarraitzea eta hurrengo bilgunera heltzea, II.graduko trabesia horizontal oso erraz bat da, hurrengo bilgunera heldu arte, zinta luzeak sartu, soka ondo ibil daiten. Hemetik, Supercrak eta Zulu Demente bideak ateratzen dira.

·         L4 (V+/30m): Beste diedro bat, pausu bat dauka irteeran, ematen du zaila dela eta pulituta dagoela, baina gero oso erraz ateratzen da, 30 metro jarraituz bilgunera heltzen gara.

·         L5 (6a/30m): Eskalada murotxo txiki batean hasten da, presa onak dituena, ondoren, hain famatua eta polita den trabesia horizontala hasten da. Presa asko dituena bai hanketarako eta bai eskuetarako, baina oso pulituta daude. Tronora errazago sartzeko errazagoa da goitik apur bat joatea, eta sarrera oso erraz egiten da inolako zailtasunik gabe.

·         L6 (6b/25m): Spit bateraino bertikalean eskalatu, eta gero eskumara joateko bidea hartu. Pausu zail bat dauka eta kanal grisera sartzen gara (ura hemetik jausten da). Bilgunea ezkerrean dago.

·         L7 (6a/20m): Bilgunetik atara, eta bi tripatxo ditugu, arroka oso kalitate txarrekoa da, aurrekoarekin konparatuz. Bi tripa hauek igaro eta gero, zailtasuna asko jeisten da, repisa batean bilgunea dago.

·         L8 (III+/20m): Jende askok luze hau aseguratu gabe egiten du, bidean pare bat parabolt daude, guk ensanblean egin genuen, gora atera arte, eta goikaldean sokak eroso batu genituen zerbait jaten genuen bitartean.

·         Jeitsiera: Behin goikaldean, bi aukera daude, edo Mallo del Aguatik jeisten den bidetik jeistea edo Circo de Veranotik jeistea.

ERREPORTAIA:

Altxatu bezain pronto ateratako argazkia, tenperatura ona eta egun polita aurretik zetorrena.

Rigloseko eliza, Mallo Cuchillo, Frechin eta La Visera famatua.

La Visera

Rigloseko herria

Mikel laugarren luzea egin da gero, L3+L4 egin genituen, tximinia eta trabesia horizontala enpalmatu.

Neu bilgunean, atzean Mallo Colorado (Erreportaia HEMEN)

Behin Tronora heldu eta gero, 6b arazo gabe atera genuen, Mikel eskegita gelditu zen, pulida ona darama, baia oso ondo txapatuta dago, neuk tirakada ona eman nion expresari, oso flojo daude besoak oraindik.

Argazkia, azken 6a luzea egin da gero, aurretik ensablean egin genuen luzea gelditzen zitzaigun, III+ gradukoa, baina inongo arazorik ez zuena.

Jeisteko Colorado eta Mallo del Aguatik jeisten den bidea hartu genuen, gosea geneukan eta hau da Circo de Veranotik jeistea baino arinagoa. Behin behekaldean egonda, ataratako argazkiak. (Beste egun bateko argazkiak dira hauek)

Mallo Cuchilo, Frechin eta La Visera, bertan daude, Mosquitos, La fiesta del biceps, Popeye, Supercrack, Zuzen, Chinatown, Zulu Demente eta bide famatu gehiago, Riglosen gehien eskalatzen den Malloa dela esango nuke, baina oso fuerte egon behar da goikaldean daukan desplome hori guztia igotzeko, hortik bere izena, La  Visera.