2016(e)ko abuztuaren 18(a), osteguna

2016_08_14-Anbotoko Ezkilar ertza (IV) Arista Sureste Ezkilar

SARRERA:

Domekan lan egin behar nuenez, ezin izan nuen Vignemalera joan tamalez, baia asteburua aprobetxatu gurean, barikuan Portugaletera hurbildu giñan Los Chikos del Maiz-en kontzertua ikustera eta etxera buelta arin egin genuenez, hurrengo goizean Urkiolara hurbildu giñan, Anboto ingurutik ertzen bat egiteko asmoarekin eta ia zorte apur batekin haizeak ematen zigun, ze egun oso beroa zetorren aurretik.

Aukeratutako ertza Anboto mendiaren eki-hegoaldeko ertza izan zen, ideia, liburu honetatik atara genuen, oso ondo azalduta datorrena, bai hurbilketa eta jeitsiera, denborak, materiala eta egin beharreko luzeak, dena krokis batekin lagunduta.

ERREFERNTZIA: ARISTAS Y CRESTAS DE EUSKAL HERRIA
Euskal Herriko lekurik malkartsuenetara jotzeko gonbitea dakar liburu honek, gandorrik helezinetara eta erpin tenteenetara igotzeko. Baina gonbitea erakargarriagoa izan dadin, eskalada eta mendi igoerak nahasten ditu, grina bateko aurpegi biak. Bere baitan 42 proposamen bildu ditu gure herriko tontor ezaugarri batzuetara eskalatzen igotzeko eta bertatik oinez jaisteko. Irteera bakoitzak, deskribapen zehatzaz gain, ibilbidearen argazkia eta grafikoa dakar.

Erosteko klikatu HEMEN

FITXA TEKNIKOA:

Iraupena: Ertza egiteko eta jeisteko, geldialdiak eta bilguneak barne, 5 ordu. Horreri geitu behar zaio Zabalandira egin beharreko hurbilketa.

Zailtasuna: IV, gradu hau ematen diogu, gidarekin bat gatoz eta, gradua bilatu nahi izanez gero aukera badago luze on batzuk egiteko, guk sokarekin 60 metro inguruko lau luze egin genituen III+/IV artekoak.

Materiala: BIlguneetarako eranztunak, segurtasun mosketoiak, friend batzuk (0.5 eta 1 artekoak oso ondo doaz) eta fisurero batzuk. Horretaz aparte erastun batzuk zubi arrokentzako eta 60 metrotako soka fina (8.6mm).

KROKISA:


BIDEOA:

Hemen ekintza guztiaren laburpen BIDEO bat. Espero gustatzea.



ERREPORTAIA:

Asuntzetik metroak apurka irabazten, atzean Mugarra eta Untxilatz mendiak


Anbotoko betiko igoera alde batera uzten dugu eta Zabalandiko zelaietara jotzen dugu.


Gerizpetan gustora


Aurretik datorkiguna


Orisol-Ipizte mendian


BIgarren bilgunea, Udalaitz atzean dauelarik.


Anbotoko hormatzarra, bertan proiektu asko daude, baina oraindik babarrun asko jan behar ditugu.Haien artean “Kanterarik ez” edo “La dama” eskalada bideak.


Tirada errazago batean


Ensamblean lotuta ere bai egin genituen metro asko


Luze hau oso polita atera zitzaigun, arrakal zabal bat, babesteko zaila, eta IV graduko pausu batzuekin, ondo enpotratu behar direla hankak, ertz guztia zapatilekin egin genuen inongo arazo gabe, luze hau goiko repisa handi batean egin genuen, 60 metrotako luzea, polita.



Bilgunea, fisurero eta friend batekin eginda.


Iban bilgunera heltzen, atzean Ezkilarreko zuloa


Berriro soka batzen dugu eta gorantza goaz metro batzuk utzita
Selfie, eguzkia bai, baina Haizea baita, eta asko eskertzen zen.


Goikaldean, Zabalanditik datorren bidarekin batzen gara




Anboto, 1.331 metro.


Pozik tontorrean


Anbototik Alluitzera doan mendilerroa, erreportaia HEMEN


Saitzen punte (1.247m)



Erabilitako materiala


Urkiolara jeitsi baino lehen, ur trago fresko bat Pol-Poleko iturrian


Hauxe da dana, ertz polita, aukera asko dituena, gehiago zaildu eta gutxiago, Anbotoko tontorrera azken aldian igotzen den jendetzatik ihes egiteko aparta, eta igoera ezberdin bat aurkezten diguna, eskaladarekin fusionatuz gainera, ezin da gehiago eskatu!!!!


Animatu eta probatu

2016(e)ko abuztuaren 16(a), asteartea

2016_06_12-Balaitus Latourreko bretxatik 3.144m (AD-/150m/45º máx)

SARRERA: 

Balaitus (okzitanieraz: Vathleitosa; gaztelaniaz: Balaitus; frantsesez: Balaïtous; aragoieraz: Pico Os Moros) Frantzia eta Espainiaren artean dagoen mendia da, Erdialdeko Piriniotan kokatutakoa eta 3.144 metroko altuera dituena. Zehazki, Val d'Azun (Pirinio Garaiak) eta Tenako ibarra (Huesca) haranen artean dago.

Aurreko egunean Frondielletatik ibili eta gero, Respomusoko aterpera bueltatu giñan, eta arin afaldu genuen, goizetik joateko lo sakura eta hórrela hurrengo egunean, aterpean zegoen jende guztia igotzen zen bitartean geu jeisteko, bide luzea genuekala La Sarrako urtegiraino.

Frondielletako erreportaia HEMEN

NOLA HELDU:
Hemen, posible daukazue, La Sarrako urtegitik Respomusoko aterpera eginiko bidearen AZALPENA

IBILBIDEA:
Respomusoko aterpea (2200m)-Frondiella eta Balaitus arteko lepoa-Latourreko bretxa- Balaitus (3.144m)-Respomuso-La Sarrako aterpea

FITXA TEKNIKOA
·         Zailtasuna: AD-/150 m/50º máx/III, zailtasun hau Latourreko bretxan ematen da.
·         Desnibela: 1000 metro (+/-), bretxak 150metro (+/-) inguru.
·         Distantzia aterpetik: 7,4 km.
·         Beharrezko materiala: Neguko ekipazio basikoa, 2 piolet oso gomendagarria, kaskoa, arnesa, aseeguratzeko bakarkako materiala, 60 metrotako soka bat eraman genuen, rapelen luzera 20 metrokoa baita.

Sarita y Mane blogetik ateratako linka , bertan, aterpetik Balaituseko tontorrera dagoen bidea ikus daiteke


ERREPORTAIA:

Goizeko 4tan esnatuten gara eta arin baten gosaltan dogu, aurreko egunetik prest utzi giñuzan motxilak, ahalik eta arinen atetako tontorrerantza.


Cresta del Diablo, goizeko lehen argiekin


Apurka metroak irabazten goaz, atzean Gran Facha mendia daukagularik



Negu sasoian, beheko barranko hortatik joan giñan aurrekoan, ibon txikiaren ondotik.


Bideak ez deko inongo galbiderik, zirkoa gorantza jarraitu, Latourreko bretxak sortzen duen txokora heldu arte.



Aurreko egunean esan ziguten Latourreko bretxa oso baldintza onetan zegoela, eta ur trago bat bota genuen, soka atera eta hórrela bizkarretik pisu apur bat kendu, arnesak eta pioletak atera eta astiro-astiro gorantza hasi giñan.


Tontorrean lo egin zuten kordada batek, rapelatzen zuten bitartean argazkitzar hauek atera zizkuguten, bilgunetik zintzilik, angelu ikaragarria zeukaten, milesker argazkiengaitik benetan ;)


Mikel, blokearen aurkitzen den ingurutik, hankak topera ta gorantza expreso bat moduan



Azpitik ataratako argazkia


Mikel, pioletak primeran sartzen ziren



Neu


Korredorea gorarte jarraituz gero, bilgune batera heltzen gara, bi paraboltekin, aseguratu luze hau ta goiko aldera inongo arazo Gabe ateratzen da.


Hementxe soka eta motxilak uzten ditugu, eta azken pala igotzea besterik ez zaigu falta.


Hortik gatoz


Balaituseko tontorra (3.144m)


Lainoak apurka datoz


Tontorrean dagoen triangelua apurtuta zegoen



Selfie


Tontorretik Latourreko bretxara bueltatzen, rapela egiteko.




Rapelatzen


Lau rapel egin genituen, eta azkenekoarekin elur repisa bateraino heltzen da
Latourreko bretxa eta Balaituseko horma, hemen proiektu asko ditugu ;)


Aterpera heltzen




Hemetik La Sarraraino, bide luze bat, oso astuna egin zitzaiguna, beroa zela eta.


Asteburu oso ona, tontor berriak igotzen, pena borobildu ezin izana Ursiko eskaladarekin, baina baldintzak ez daudenean ezinezkoa da.

Espero gustatu izana, hurrengoarte.